Në studion e emisionit ‘Repolitix’ me gazetarin Denis Minga në Report Tv, të ftuarit diskutuan mbi vendimin e sotëm të gjykatës së Lartë që urdhëron SPAK-un të hetojë vrasjet e 4 protestuesve në 21 janar 2011.
Avokati Idajet Beqiri tha se brenda 9 muajve SPAK duhet të japë përgjigjie nëse do ngrejë akuzë për çështjen apo do të pushojë hetimet. Duke dhënë detaje, zbuloi se pasi të thirret nga prokuroria si denoncues, do të dorëzojë audio-regjistrimin dhe më pas pritet të thirren si dëshmitarë ish-kryeprokurorja e përgjithshme Ina Rama, kryeministri aktual Edi Rama dhe të tjerë që kanë folur me detaje për ngjarjen.
“Do thirremi në SPAK ku do shkojmë për audio-përgjimin. Kemi origjinalin. Do çojmë si provë të gjitha deklarimet e Berishës ku e ka pranuar krimin vetë, edhe çfarë është shkruar për këtë. Do i çojmë Kosta Bariabën, Fatmir Xhafën, ku i kanë gjetur ato që kanë shkruar me detaje. Do pyetet Rama si dëshmitar. Ina Rama, ish-presidenti. Do pyetet kryetari i SHISH, për materialet që kishin. Ajo dosje që u hetua do administrohet dhe do nxirren edhe prej saj të dhëna e prova. Vendimi i gjykatës së Strasburgut do konkretizohet”- u shpreh Beqiri.
Sa i takon faktit që edhe Basha është ndër personat e kallëzuar, Beqiri u shpreh se kryedemokrati ka mundësi që të pushohet hetimi ndaj tij nëse thotë se urdhrin e ka marrë nga Berisha.
“Këtë do ta ndajnë ata të dy me njëri-tjetrin se do pyeten. Nëse Basha thotë se urdhrin e ka dhënë Berisha, atëherë ai mund të përjashtohet dhe ndaj tij pushohet çështja”- shtoi avokati.
Avokati Përparim Caca tha se do të jetë një hetim shumë kompleks duke theksuar se duhet që SPAK të kryejë një hetim të gjithëanshëm për gjithë ngjarjet para dhe pas 21 janarit.
“Unë mendoj që do duhet të bëhet një hetim i gjithëanshëm por kërkon jo vetëm kohë por do duhet që SPAK të bëjë një hetim të gjithëanshëm që nga pjesa e protestës nëse kishim protestë të dhunshme apo jo. Ka një bazë ku SPAK ka mundësi të shikojë se ku kanë qenë hetimet dhe ku kanë çaluar. Kur themi krim shtetëror normalisht që flasim për zinxhir komandues”- tha Caca.
Vendimi i sotëm i Gjykatës së Lartë që SPAK të marrë në dorë hetimet për 21 janarin, solli edhe reagimin e kryeministrit Edi Rama i cili tha se në këtë mënyrë është rikthyer në jetë shpresa për drejtësi ndaj një krimi shtetëror që solli vrasjen e 4 protestuesve dhe plagosjen e disa të tjerëve.
Avokati Idajet Beqiri i ftuar në ‘Repolitix’ me gazetarin Denis Minga në Report Tv tha se qëndrimi që SPAK mbajti sa i takon vendimit të gjykatës së Lartë për 21 janarin, ishte ‘për të ardhur keq’.
Beqiri tha se prokurori i SPAK ishte i pozicionuar kundër ligjit duke tentuar të shmangnte një dosje ku përmendet ish-kryeministri Sali Berisha e ish-ministri Lulzim Basha, subjekte të Prokurorisë së Posaçme.
“Prokurori sot fliste por kuptohej se ishte i pozicionuar te kundërligjshmëria në mënyrën më skandaloze. Në vend që të thoshte le ta lëmë në dorën e Gjykatës së Lartë, ne i thonim ja ku është kallëzimi penal ku akuzohet Berisha Basha dhe Prendi. Ai kundërshtonte veten e vetë sot. SPAK-u në këtë rast ishte për turpin e tij, për të ardhur keq”- tha Beqiri.
Komente
Lajme të tjera
-
Ironia e Spahiut: Trump do i heq dekoratën Dumanit dhe Dvoranit, për t’ja dhënë të dyja Berishës
17 Dhjetor, 19:43 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Kreu i SPAK dhe Kryeprokurori Special i Malit të Zi nënshkruajnë Memorandum Bashkëpunimi
17 Dhjetor, 18:36 -
'Non-grata e Berishës e pakthyeshme', Ngjela: Shpresa te Trump, e kotë! Kërkon të mbaj përkrahësit e tij! Kur erdhi në '92 shkatërroi vendin me urdhër të Beogradit
17 Dhjetor, 17:31 -
Seanca për mbarimin e mandatit të kryetares së Gjykatës Kushtetuese, Holta Zaçaj shtyhet për 23 dhjetor
17 Dhjetor, 16:18 -
Këshilli i BE-së miraton konkluzionet për Shqipërinë: SPAK po godet korrupsionin! Zbatoni vendimet e Kushtetueses dhe rekomandimet e OSBE/ODIHR e 'Venecias'
17 Dhjetor, 14:27
-
SHËNIM/ Berisha 3 strategjitë dhe sidomos ajo e ''Sindromës së Stokholmit'' në përpjekje për të ndikuar në drejtësi
17 Dhjetor, 13:21
-
Eduard Zaloshnja: Nëse SPAK-u do të ishte një parti politike, do të ishte absolutisht e para
17 Dhjetor, 12:36
-
‘Plumbi i Artë’/ GJKKO dëgjon dëshminë e Nuredin Dumanit e dy të penduarve të tjerë me dyer të mbyllura! Avokatët ikin nga salla: Të jetë edhe media
17 Dhjetor, 09:36
-
Mero Baze: Sondazhet për SPAK dhe si sondazhe elektorale për Berishën
16 Dhjetor, 20:38
-
Lirimi i Berishës shkon në Apel, Elezi: Non-grata nuk ishte inat personal! Minimin e demokracisë po e shohim! Gaba: Pas arrestimit të Metës, po intensifikohen përpjekjet anti-SPAK
16 Dhjetor, 18:41 -
Reforma në drejtësi, VanHorn: Shumë e refuzuan, SPAK po godet bosët e krimit dhe të korruptuarit! Dumani: Pandëshkueshmëria po tronditet
16 Dhjetor, 15:40
Rama ka qene duke pire kafe tek kulla dhe nuk ka pare asgje or teeeejjjjj
Përgjigju