25-vjetori, Shinasi Rama: PD
na harroi por sot është dita jonë

Studentët e dhjetorit të harruar nga Partia Demokratike janë mbledhur së bashku për të kujtuar rënien e komunizmit në Shqipëri. Sipas Shinasi Ramës një prej drejtuesve të lëvizjes së dhjetorit, kontributi i tyre nuk është vlerësuar, madje ai akuzon Sali Berishën se ka marrë në kontroll PD-në prej 25 vitesh duke harruar ata që dhanë kontributin e vërtetë.
 
 "E megjithatë të gjithë këto akte jo vetëm që janë të panjohura por janë të nënvlerësuara, janë të izoluara edhe në traditën e idhujtarisë politike shqiptare. Çdo gjë i është lënë në derë një njeriu që më thanë sot vazhdon e flet për çart por ajo ne nuk na intereson. Ajo që na intereson ne është që duam të reflektojmë për këto 25 vjet për kontributin e lëvizjes studentore asaj që ne kemi bërë, që kemi arritur të bëjmë. Ia kemi arrit t'i japim këtij kombi në momentet e veta më kritike një kontribut thelbësor. Së pari kemi fituar vet pluralizmin politik, sot është dita jonë," është shprehur Shinasi Rama.
 
 Shinasi Rama, i cili ka prezantuar edhe një libër për lëvizjen e 1990-s, "sakrifica e studentëve solli pluralizimin politik në Shqipëri".

Redaksia Online
(u.s/shqiptarja.com)