POP 5

Lajmet më të lexuara të 5 minutave të fundit

Ekonomi

28.5 mln euro u dhanë për PPP në pandemi, 2 koncesionet e shëndetësisë më pak të financuara

28.5 milionë euro kanë shkuar për koncesionet në kohë pandemie. Sipas të dhënave të Ministrisë së Financave në 5 muaj të parë të vitit janë financuar 8 kontrata koncesionare. Fondet më të mëdha janë marrë nga koncesioni i skanimit në doganë.

28.5 mln euro u dhanë për PPP në pandemi, 2 koncesionet e shëndetësisë më pak të financuara

Edhe pse në kohë pandemie pagesat për koncesionet nuk janë stopuar. Sipas të dhënave të Ministrisë së Financave kanë vijuar pagesat për 8 kontrata koncesionare edhe pse në nivel të ulët krahasuar me një vit më parë por edhe në raport me buxhetin fillestar të hartuar nga shteti. 

Për koncesionet këtë vit është parashikuar të shkojnë 61 milionë euro lekë, ose 35.7 milionë euro më pak se plani fillestar.

Në 5 muajit e parë të vitit pagesat e bëra për kontratat me privatin arrijnë në 28.5 milionë euro, duke rënë me 56% në raport me pagesat  e bëra në të njëjtën periudhë të një viti më parë, ku vlera e pagesave arrinte në 62 milionë euro. Në total në vitin e kaluar pagesat që shkuan për koncesionet arritën ën vlerën e 13.7 miliardë lekë.

Ndërkohë në kulmin e pandemisë në muajin maj qeveria ka dhënë për koncesionet 418.95 milionë lekë, dhe shuma më e madhe ka shkuar për kontratën e “Shërbimit të Skanimit në Dogana”, me rreth 130 milionë lekë.

Në total për 5 muaj qeveria ka dhënë 643 milionë lekë për koncesionin e skanimit, 630 milionë lekë për rrugën e arbrit, 580 milionë lekë për inceneratorin e Tiranës, 406 milionë për rrugën Milot – Morinë dhe më pak janë paguar koncesionet e shëndetësisë. Për periudhën Janar-Maj PPP e check up është paguar 320 milionë lekë, 300 milionë për kontratën e hemodializës dhe zero fonde për laboratorin e pajisjeve mjekësore.

Ndërsa vlera më e lartë e pagesave të bëra në këtë periudhë është shënuar në muajin shkurt me rreth 1.12 miliardë lekë, ku vetëm për kontratën e MIE “Ndërtim, Operim dhe Mirëmbajtje e Rrugës Milot-Morinë” janë paguar 390 milion lekë.

Ndërkohë për këtë vit nuk parashikohet asnjë fond për 4 kontrata nuk është parashikuar asnjë fond për këtë vit. Konkretisht për segmentet rrugore Milot-Malldre dhe Orikum-Dukat, ndërtimin e shkollave në bashkinë Tiranë, ndërsa për rrugët në HEC Devoll ka mbaruar kontrata.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Anastas Janullatos që nuk keni njohur! Fakte SHOKUESE në Esencë-Report Tv

Anastas Janullatos që nuk keni njohur! Fakte SHOKUESE në Esencë-Report Tv

25 Dhjetor, 22:34 nga Eljan Tanini