Për javën që lamë pas, në gjithë vendin janë gjobitur 30 mijë e 376 drejtues mjetesh, për një sërë shkeljesh të rregullave të qarkullimit rrugor.
Taulant Gjoka, specialist në Drejtorinë e Policisë Rrugore, shpejgoi në Report Tv operacionet që po ndërmerr policia për ndëshkimin e drejtuesve që shkelin Kodin Rrugor. Sipas Gjokës, kur policia evidenton një shkelje hartohen plane operacionale në shkallë vendi.
Gjoka thotë se këto janë shifra alarmante, ndërsa thekson se përdorimi i celularit në timon është arsyeja kryesore se përse ndodhin aksidentet, ndërsa më pas renditet shpejtësia tej normave të lejuara e parakalimet e gabuara.
“Shifra alarmante sa i përket shkeljeve që janë drejtpërdrejtë burim aksidenti. Është metodë policore që strukturat e policisë sa herë anulojnë faktorët dhe shkaqet e aksidenteve, hartojnë planë operacionale që konsiston në kontrolle në shkallë kombëtare për disa shkelje që kanë qenë shkaktarët kryesore të aksidenteve.
Java që lamë pas, fokusi ka qenë te përdorimi i celularit dhe rezultatet e tjera janë në funksion të kontrolleve. Përdorimi i celularëve është fenomeni kryesor për aksidente, pastaj shpejtësia tej normave dhe parakalimet e gabuara”, tha Gjoka në Report Tv.
I ftuar në emisionin ‘Përballje’, me gazetaren Rovena Neziri, eksperti rrugor, Islam Qibini thotë se duhet të shtohen më shumë kontrolle në rrugët rurale.
“Kemi segmente rrugore që janë në rrugë lokale që s’mund të monitorohen nga policia, por është një nismë që duhet përshëndetur. Duhet të ketë një sensibilizim të opinionit publik. Policia në segmentet rrugore jashtë qendrave të banuara duhet të ushtrojë kontroll me patrullime për të ndëshkuar drejtuesit që përdorin alkool”, tha Qibini.
Nga ana tjetër, gazetari Sokol Dema thotë se shifrat e aksidenteve janë në ulje prej disa vitesh, ndonëse mbetet një shqetësim shkelja e rregullave të qarkullimit.
“Një pjesë e aksidenteve kanë ndodhur jashtë territorit të Tiranës, mbase kjo është edhe një arsye që operacioni të jetë në shkallë kombëtare. Ka një vëmendje të gjerë sa i përket kryeqyteti, ka një numër të madh të automjeteve që qarkullojnë. Shifrat e aksidenteve janë në ulje ka disa vite. Ka raste të aksidenteve të rënda, siç ishte rasti në Tepelenë”, u shpreh gazetari Dema.
Sociologia Entela Binjaku thotë se aksidentet kanë edhe pasoja të tjera, pasi personat që u mbijetojnë përvallen me trauma.
"Pasojat janë të shumanshme, edhe të shëndeti mendor. Njerëz që i mbijetojnë aksidenteve përballen me një kalavar të gjatë në procesin rehabilitues, kanë nevojë për shërbime fizioterapie, psikoemocionale. Edhe vetë luftojnë me familjet e tyre dhe pasojat janë traumatike, ka njerëz që e përballojnë traumën më thjeshtë, por ka të tjerë që procesi i rehabilitues është më i gjatë", thotë ajo.
Eksperti Qibini dhe sociologia Binjaku theksojnë se duhet të punohet më shumë me edukimin e të fëmijëve dhe të rinjve mbi edukatën dhe normat e qarkullimit rrugor, duke theksuar se institucionet duhet të punojnë më shumë në këtë aspekt, apo që edukimi të nisë herët që në shkollë. Nga ana tjetër specialisti rrugor vë theksin edhe tek roli i autoshkollave, të cilat certifikojnë shoferët e rinj.
Lajme të tjera
-
Policia Rrugore e Tiranës bën bilancin/ Shpejtësi tej normave, alkool dhe celular në timon! 26 të arrestuar dhe 12.402 gjoba gjatë një jave
27 Tetor, 10:03 -
Kafshët shtëpiake largojnë stresin e vetminë! Infermierja në pension 25 vite me mace e qen: Janë lozonjarë, më heqin negativitetin
26 Tetor, 12:26
-
Aksident i rëndë në Korçë-Ersekë, dy makina përplasen, njëra kthehet përmbys! Shoferja dhe dy pasagjerët përfundojnë në spital
15 Tetor, 20:59 -
1961 gjoba në një javë, Rrugorja e Vlorës dhe Sarandës bëjnë bilancin: Arrestohen 3 shoferë! Procedohen penalisht 2 të tjerë
14 Tetor, 15:42 -
Fier/ Karamboloi dy makina në aksidentin me 4 të plagosur dhe vrau 37 kokë dele, pranga shoferit! 26-vjeçari rezultoi i dehur në testin e alkoolit (EMRI)
14 Tetor, 10:55 -
Policia Rrugore bën bilancin/Shpejtësi tej normave, alkool dhe celular në timon, 24 të arrestuar në Tiranë
13 Tetor, 11:18 -
Aksident i trefishtë në aksin Lezhë-Shkodër, plagoset një grua! U karamboluan kamioni, vetura dhe furgoni (VIDEO)
7 Tetor, 14:22 -
Lushnjë/ Taksia del nga kthesa dhe bie në kanalin kullues, plagoset shoferja 40-vjeçare! Dyshohet se ishte me shpejtësi, aksi burim aksidentesh (VIDEO)
3 Tetor, 18:41 -
Rrugorja e Elbasanit bën bilancin: 16 shoferë të arrestuar dhe 6915 gjoba vetëm në Shtator! Mbi 3 mijë drejtues me shpejtësi dhe 84 në gjendje të dehur!
3 Tetor, 15:46 -
Gjobitën makinat me targa të huaja në Rrugën e Kombit dhe 2.2 mln lekë i futën në xhep, gjykata e Kukësit lë në fuqi masat për 22 efektivët
21 Shtator, 20:45
-
Aksident masiv në Durrës-Tiranë, karambolohen 6 makina me njëra-tjetrën! Dy të lënduar në spital, krijohet edhe trafik
21 Shtator, 10:15 -
Durrës/ Aksident i rëndë, 64 vjeçari rrëzohet nga motori dhe humb jetën në lagjen 13 (EMRI)
18 Shtator, 19:17
