TIRANE - Sherri mes kryeprokurorit Adriatik Llalla dhe kryetarit të prokurorisë së Apelit në Tiranë Shkëlqim Hajdari, ka dalë jashtë mureve të sallës ku u zhvillua, duke përfunduar për diskutim më të detajuar tek inspektori i etikës pranë zyrës së Prokurorit të Përgjithshëm. Nga burime jo zyrtare mësohet se pritet që këtë javë kryeprokurori Llalla do t’i kërkojë inspektorit të Etikës të shqyrtojë rastin e incidentit të ndodhur dy ditë më parë, me qëllim analizimin dhe marjen e masave disiplinore dhe administrative për përgjegjësit.