POP 5

Lajmet më të lexuara të 5 minutave të fundit

Kronikë

4 ditë protesta të dhunshme në Tiranë/ 89 të arrestuar, 7 organizatorë në kërkim, mes tyre dhe Stresi! 268 protestues nën hetim, 25 policë të plagosur

Në 4 ditë protesta që zhvillohen për vrasjen e 25-vjeçarit Klodjan Rasha, Policia e Tiranës ka arrestuar në total 89 persona, pjesën më të madhe të tyre në flagrancë. Ndërkohë janë në kërkim 7 organizatorë, janë proceduar në gjenjde të lirë 268 pprotestues dhe janë plagosur 25 policë.

4 ditë protesta të dhunshme në Tiranë/ 89 të arrestuar, 7 organizatorë në kërkim, mes tyre dhe Stresi! 268 protestues nën hetim, 25 policë të plagosur

Në 4 ditë protesta që zhvillohen për vrasjen e 25-vjeçarit Klodjan Rasha, Policia e Tiranës ka arrestuar në total 89 persona, pjesën më të madhe të tyre në flagrancë. Ndërkohë, 8 të tjerë janë shpallur në kërkim, kryesisht organizatorë. Njëri prej tyre u arrestua së fundmi, duke e çuar numrin e të kërkuarve në 7. Në mesin e të kërkuarve është këngëtari Arkimed Lushaj, i njohur si Stresi, i arratisur përtej kufirit, në Kosovë.

Po ashtu, janë proceduar 268 persona në gjendje të lirë për pjesëmarrjen në protestë. Si pasojë e dhunës së ushtruar nga ana e protestuesve, hedhjes së pllakave të gurit dhe materialeve të tjera të forta kanë ngelur të plagosur 25 efektivë policie, kryesisht të Forcave të Ndërhyrjes së Shpejtë. Dy prej punonjësve të policisë janë dëmtuar në sy, ndërsa njëri prej tyre rrezikoi seriozisht humbjen e njërit sy.

Shqetësim në këto protesta ka qenë pjesëmarrja e të miturve, të cilët janë dhe personat që kanë ushtruar më së shumti dhunë dhe kanë shkatërruar e vënë zjarrin objekteve të ndryshme.

Të arrestuarit akuzohen për veprat penale “Organizimi dhe pjesëmarrja në grumbullime e manifestime të paligjshme”, “Kundërshtimi i punonjësit të policisë së rendit publik”, “Pengimi i qarkullimit të mjeteve të transportit”, “Prishja e qetësisë publike”, “Shkatërrimi i pronës me zjarr” dhe ”Mosbindja ndaj urdhrit të punonjësit të policisë së rendit".

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Alb: 13/12/2020 15:08

    Ma as nje lloj sistemite nuk po per paron ky popull.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Përse Wisconsin është thelbësor në garën presidenciale të vitit 2024?

Përse Wisconsin është thelbësor në garën presidenciale të vitit 2024?

4 Nëntor, 18:47