POP 5

Lajmet më të lexuara të 5 minutave të fundit

Sociale

4 fshatrat e Pustecit, buzë liqenit, por pa ujë të pijshëm prej dekadash! Banorët: Pimë ujë të kuq me baltë  

Në këto ditë të nxehta korriku, banorët e Pustecit nuk ka ujë të pijshëm. Ky është një problem i mbartur prej vitesh që e pranon edhe drejtori i Ujësjellësit. Fshatrat shtrihen buzë Prespës dhe kësisoj përmes pompave banorët çojnë ujin në shtëpi. Edhe pse u rrezikon shëndetin, ata pinë ujin e liqenin, si e vetmja mënyrë mbijetese.

Katër fshatra të Bashkisë së Pustecit, përkatësisht Goricë e Madhe, Goricë e Vogël, Zaroshke dhe Gollomboç edhe pse ndodhen buzë liqenit të Prespës, prej dekadash vuajnë mungesën e furnizimit me ujë të pijshëm.

Pjesa me e madhe e familjeve kane instaluar pompa ne banesat e tyre për te përfituar ujin e liqenit, edhe pse ky ujë rrezikon seriozisht shëndetin e tyre.

"Nuk ka ujë për të pirë, vjen çerek ore dhe ujë tjetër s'ka. Hajde në shtëpi të shohin çezmat", tha një banor.

Ndërsa një tjetër u shpreh se "familjet kanë vendosur pompat në liqen. Jemi të rrezikuar, por e pimë s'kemi çfarë bëjmë".

Një grua e moshuar thotë se "uji është me ngjyrë të kuqe me baltë...kështu e pimë, do sëmuremi e do vdesim".

Duke mos pasur zgjidhje prej dekadash, banorët apelojnë për mbështetje.

"Ne s'kemi as kanale për vaditje as ujë për të pirë. Gjithnjë kështu ka qenë prej 30 vitesh. Kemi kërkuar në bashki, por ende nuk kanë gjetur zgjidhje", shprehen banorët.

Drejtori i Ujësjellësit, Pustec, Sandi Nikolla pranon problematiken por shton se bashkia e Pustecit është në pritje të financimit të një projekti nga Agjencia Kombëtare e Ujësjellës Kanalizimeve.

"Në këto 4 fshatra prej vitesh, mungon rrjeti i kanalizimeve por edhe burimet e ujit. Kemi bërë disa projekte dhe presim financim nga AKUM. Një fshat e kemi zgjidhur me çezmë publike, ndërsa të tjerët nuk kanë. Ata marrin ujë nga liqeni", u shpreh ai.

Nga 9 fshatra të bashkisë minoritare të Pustecit në rajonin e Korçës, 4 prej tyre vuajnë e mungesën e furnizimit me ujë të pijshëm.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A ka politika frikë nga SPAK-u?

Lajme të tjera



×

Lajmi i fundit

VIDEO/ I bie të fikët, Veliaj i vjen në ndihmë qytetares në aeroportin e Hanoverit

VIDEO/ I bie të fikët, Veliaj i vjen në ndihmë qytetares në aeroportin e Hanoverit

24 Prill, 14:38