Mbajti peng fëmijët, daja i gruas së 40-vjeçarit për Report Tv: Mbesën e dhunonte, merrte fëmijët për t'ia vrarë në sy! E denoncuam mbi 30 herë, policia e mbrojti

LEZHË- Aleks Marku, i cili u arrestua sot se mbajti peng fëmijët dhe qëllonte me kallashnikov, ushtronte dhunë ndaj bashkëshortes së tij. Kështu thotë Nikoll Gjonaj, daja i  gruas së Aleks Markut në një intervistë për gazetarin e Report Tv, Elvis Hila.

Ai thotë se Aleks Marku ushtronte dhunë të vazhdueshme ndaj gruas së tij, si psikologjike edhe fizike. Nikoll Gjonaj thotë se e kanë denoncuar 20-30 herë Aleks Markun për dhunën që ushtronte, ndërsa akuzon Policinë e Shtetit se e merrte në mbrojtje dhe e ka lënë të lirë.

“Aleks Marku për fatin e zi, të atij dhe timin dhe motrës time, ka vajzën e motrës time. Vajzën e motrës tim e ka bërë një leckë. Që ku re ka marrë nuse, e ka trajtuar në mënyrën me ekstreme.

11 vjet e këtij është denoncuar mbi 20-30 herë në polici. Jam edhe unë ai që e kam denoncuar me motrën time. Është ajo e polici e shtetit që e ka liruar, fute brenda nxirre jashtë”, tha Nikoll Gjoni për Report Tv.

Sipas tij, dhuna ishte ekstreme, në disa raste i drejtonte edhe armën në kokë. Vetë daja i gruas thotë se e ka denoncuar Aleks Markun, ndërsa i ka thënë policisë se konsumonte drogë në mënyrë të rregullt.  

"E rreh, i çonte pushkën në krye, ka qenë njeri i robëruar para tij. Është policia, shteti që e favorizojnë. Ai ka jetuar me drogë, ka jetuar në mënyrën me ekstreme. Unë i kam thënë policisë pse se ndalni se është i droguar.

Unë me 129 para 3-4 vjetësh e kam denoncuar, u kam thënë e ka armën në makinë. Gjithë jetën ka nejt me armë, drogë, dhe e ka mbrojt policia. Po të dojë policia e kishte ndaluar”, tha Gjoni për Report Tv.

Daja i gruas thotë se Aleks Marku e denonconte atë edhe më fëmijët se do i vriste.

“E dhunonte? Jo dhunë, po psikologjike, rrahaje, e merrte me i vra fëmijët ndër sy. Duhet 1 javë dit me i fol të zezat që i ka bërë”, tregon ai.

Rendit zhvillimet sipas orarit:
Ora 14:43
Mbajti peng fëmijët, daja i gruas së 40-vjeçarit: Mbesa do bënte edhe më zi se nëna që u hodh në lumë në Shkodër, ai e dhunonte

Daja i gruas së Aleks Markut për Report Tv tregoi se si 40-vjeçari urdhëronte dhunë fizike ndaj mbesës së tij. Ai thotë se Aleks Marku e keqtrajtonte gruan e tij dhe edhe përse e kishin denoncuar disa herë, policia nuk kishte marrë asnjë masë.

Nikoll Gjonaj thotë që shqyqyr që kjo ngjarje mbaroi me kaq, pasi mbesa e tij do bënte edhe “më zi se nëna që u mbyte me 3 fëmijët në lumin Bunë të Shkodrës”.

"Kjo është mbrojtje prej policie. Vajza e motrës sime do kishte bërë më zi se ajo që ka bërë me 3 fëmijët në Shkodër. Shyqyr u ndalua me kaq. Kësaj drejtësia nuk i kërkoj asgjë, nuk bën asgjë për popullin", thotë ai për Report Tv.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • klaidi: 15/05/2024 14:04

    deklaraten e kti zoterie mos e merni te lehte po te hetohen policia deri ne funde

    Përgjigju
  • Niku: 15/05/2024 13:38

    Mendoj qe policia duhet ti kontrolloje pak personat sadiste dhe toxicomane, se ja cfare ndodh

    Përgjigju
  • Sondazhi i ditës:

    Shqipëria humb me Italinë, a ka shanse të kalojë grupin në Euro 2024?



×

Lajmi i fundit

Gjirokastër/ Parcela e sapombjellë përfshihet nga flakët

Gjirokastër/ Parcela e sapombjellë përfshihet nga flakët