POP 5

Lajmet më të lexuara të 5 minutave të fundit

Sociale

Kthimi i tretë/ 43 emigrantë kthehen në Itali, anija i merr mbrapsht nga Shëngjini! Gjykata e BE jep verdiktin final më 25 shkurt (VIDEO)

Anija e rojës bregdetare Italiane transferoi këtë të shtunë 43 emigrantët të cilët po qëndronin në kampin e Gjadrit prej ditës së martë. Pas vendimit të një ditë më parë nga Gjykata e Apelit të Romës politika italiane është përfshirë sërish në përplasje, ndërsa Kryeministrja Meloni ka paralajmëruar sërish ankim në Kasacion.

LEZHE- Vetëm 5 ditë u zgjati qëndrimi në Gjadër 43 emigrantëve të paligjshëm që u sollën më 28 janar, nga autoritetet italiane. Vendimi i së premtes, (31 janar 2025) i Gjykatës së Apelit të Romës që ata të ktheheshin menjëherë në tokën italiane solli në Portin e Shëngjinit anijen e Rojes Bregdetare italiane për ti marrë.

Pak pas mesditës së sotme ( Ora 12:30, 1 shkurt 2025) 43 shtetasit bangladeshas dhe egjiptianë u larguan drejt Italisë, ndërsa do të presin vendimin të cilin po e pret e gjithë Italia për t’i dhënë fund një ngërçi që zgjat prej muajsh atë të Gjykatës Evropiane të Drejtësisë më 25 shkurt.

Një ditë më parë gjyqtarët pezulluan paraburgimin e 43 shtetasve bangladeshas dhe egjiptianë të dërguar në Gjadër, pasi tha se duhet pritur vendimi i Gjykatës së BE me qendër në Luksemburg për vendet e sigurta.

Ky ishte transferimi i tretë i emigrantëve në Shqipëri dhe refuzimi i tretë nga gjyqtarët për ndalimin në qendrën e Gjadrit. Vendimi siç pritej nxiti përplasjen e radhës të qeverisë italiane me gjykatat. Kryeministrja Giorgia Meloni ka paralajmëruar ankim në Gjykatën e Kasacionit, teksa ka kritikuar ashpër vendimin duke e konsideruar si një përpjekje për të sabotuar politikat e qeverisë së saj. Ndërsa opozita italiane akuzon Melonin për papërgjegjshmëri.

Në qendrën e Gjadrit, nga 49 emigrantët që mbërritën më 28 janar, 43 qëndruan aty pasi gjashtë u transferuan sërish në Itali për shkak se ishin të mitur ose vulnerabil. Vetëm 48 orë pas mbërritjes Italia vendosi refuzimin e azilit për 42 prej tyre nga Komisioni i Azilit, pasi shqyrtoi kërkesat për mbrojtje ndërkombëtare të cilat i konsideroi “dukshëm të pabazuara”.

S.G/Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pirati: 01/02/2025 18:07

    Kto anijet vetëm me emigrant vijn apo ka naj transport tjetër aty

    Përgjigju
  • Suxhuk dardan: 01/02/2025 15:20

    Mos na i nxirrni me keto lajme me Italian se na lodhen, beni me shume shkrime per konsumin e breshkave si po shkon andej a i konsumojne apo janë leggenda urbane ?

    Përgjigju
  • roku: 01/02/2025 15:12

    SHTETI SHQIPTAR TE MOS LEJOJE ME KETE ANIJE TE FUTET NE PORTIN E SHENGJINIT,,,PO NA NDOT UJRAT TONA....NUK DUAM TE NA LARGOHEN TURISTET....

    Përgjigju
  • Fshati: 01/02/2025 11:55

    Paksa shpesh po vijnë këta anijet e rojës italiane, dikur vinin avionë.

    Përgjigju
  • Sondazhi i ditës: 7 Mars, 14:47

    Studentët dhe të rinjtë kujt duhet t’i japin prioritet:

Lajme të tjera



×

Lajmi i fundit

Vlorë/ Sherr masiv në një lavazh, një 20-vjeçar i plagosur me thikë dhe tre të tjerë me sende të forta! Identifikohet dhe shpallet në kërkim autori

Vlorë/ Sherr masiv në një lavazh, një 20-vjeçar i plagosur me thikë dhe tre të tjerë me sende të forta! Identifikohet dhe shpallet në kërkim autori

9 Mars, 16:24