5 mësuesë te ‘Emin Duraku’ me COVID, 29 në karantinë/ Prindërit: Të shqetësuar jemi, por më mirë mësimi në shkollë (VIDEO)

TIRANË- Numri i mësuesve me COVID-19 dhe që aktualisht të gjithë në karantinë, është i lartë tek “Emin Duraku”. Por oborri i shkollës është i populluar me prindër e nxënës si cdo ditë tjetër.

5 mësues dhe 3 punonjës kanë rezultuar pozitiv për covid-19 në shkollën 9-vjecare “Emin Duraku” në kryeqytet ndërkohë 29 mësues janë në karantinë dhe gjatë ditës së djeshme i janë nënshtruar tamponit. Pavarësisht këtyre rasteve të infektimit, mësimi në shkollë vijon normalisht dhe 29 mësuesit e karantinuar janë zëvëndësuar.

Në këtë shkollë, studiojnë rreth 1400 nxënës. Më parë një pjesë e godinës u prek nga tërmeti i 26 nëntorit. Por këto infektime kanë ngritur shqetësime tek prindërit të cilët cdo ditë sjellin fëmijët në këtë shkollë.

"Mbrëmë e morëm vesh nga televizioni se nuk e dinim".

Nuk ju kanë informuar drejtuesit e  shkollës?

-Jo fare, edhe kur i pyesnim na thonin jo nuk ka gjë, ka qenë një “Emin Duraku” në Fier na thanë.

-Po tani frika është, një cik me kujdes. Po do i sjellim se pa shkollë nuk i lejmë dot.

-Po frika është por mesa kemi parë masat janë marrë. Po ato që janë infektuar janë zëvëndësuar mesa di unë.

-Tani një farë shqetësimi e kemi.

-Mund të kemi shqetësim por nuk e di na ruajt Zoti.

-Sëmundja qarkullon, cfarë të bëjmë tani, këto janë kushtet.

Më mirë në shkollë apo mësim online?

-Më mirë të vazhdojë shkolla”-u shprehën disa prindër.

Nga ana tjetër Ministria e Arsimit po trajnon 17 mijë mësues për platformën online të mësimdhënies në rast se do të kemi infektime në masë dhe përkeqësim të situatës. Më datë 23 tetor përfundon trajnimi i plotë i mësuesve.

B.K./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Ish-ministri i Shëndetësisë, Ilir Beqaj paraqitet në SPAK

Ish-ministri i Shëndetësisë, Ilir Beqaj paraqitet në SPAK