Një 55-vjeçar është mbytur mbrëmjen e së shtunës në ujërat e Lumit Fan në Mirditë.
 
Fran Bardhi po punonte në afërsi të Lumit kur është rrëmbyer nga rrjedha e ujit.
 
Ngjarja ndodhi ne fshatin Ndërfanë, ndërsa trupi i viktimës nuk është gjetur ende.
 
Palombarët e Forcave të Armatosura vijojnë prej disa orësh kërkimet për gjetjen e trupit te 54-vjeçarit.
  
Edhe familjarët dhe banorë të zonës nuk i kanë reshtur kërkimet, po ende pa asnjë rezultat.
 
Dyshohet se prurjet e shumta të lumit mund ta kenë zhvendosur trupin e 55-vjeçarit në zonën e Rubikut, ndaj dhe polambarët pritet të zhvendosin kërkimet në këtë zonë.

[gallery]20928[/gallery]
Redaksia Online
Al.N/Shqiptarja.com