Një neglizhencë e vogël mund të shkaktojë një tragjedi. Nis nga një zgarë, e aq më e rrezikshme nga djegia e mbeturinave, që nxitur nga temperaturat e larta mund të shkaktojnë vatra zjarresh të përmasave të mëdha.
“Pakujdesia e qytetarëve për eliminimin e mbeturinave bujqësore është e para, por që një kujdes tjetër duhet të tregohet edhe në përdorimin e zgarave. Sepse dihet që qytetarët i shfrytëzojnë në fundjavë vendet turistike në periferi të Tiranës nuk duhet të përdorin zgara në terren. Duhet të jenë shumë të kujdesshëm sepse dhe një cigare në këto temperatura të larta dhe me barin që thahet shkakton zjarr që shumë shpejt merr përmasa të jashtëzakonshme”, tha kreu i zjarrfikësve Tiranë, Shkëlqim Goxhaj.
Gjatë sezonit veror shënohen 5 deri në 6 zjarre në ditë, kryesisht në rrethina. E për ta parandaluar këtë fenomen, shërbimi zjarrfikës ka hartuar një plan masash.
“Dihet që me fillimin e verës dhe me ngritjen e temperaturave numri i shfaqjeve të zjarrit në zonat me pyje dhe kullota është shumë herë më i madh. Muajt me numrin më të madh të ngjarjeve janë pikërisht muajt korrik dhe gusht. Për të përballuar këtë situatë nuk është se kemi filluar tani, ne kemi disa muaj që kemi filluar përgatitjen për të përballuar numrin e ngjarjeve. Numri i ngjarjeve sidomos ditët e fundit ka qenë edhe 5-6 ngjarje në ditë”, u shpreh kreu i zjarrfikësve Tiranë, Shkëlqim Goxhaj.
Alban Laçi është në mesin e 10 vullnetarëve që gjatë verës i bashkohen forcave zjarrfikëse për të asistuar në shuarjen e vatrave. Ajo që i ka bashkuar, është misioni për të shpëtuar jetën e qytetarëve.
“Momentalisht jemi diku tek 10 veta që po mundohemi të organizohemi, kemi marrë pjesë edhe në dy ndërhyrje me profesionistët. Kjo është mbi të gjitha një punë fisnike në shërbim të qytetarëve për ti shpëtuar jetën mbi të gjitha. Thirrja ime është që për të gjithë ata që kanë dëshirë të ndihmojnë dhe të na bashkohen janë të mirëseardhur”, tha kreu i shërbimit vullnetar, Alban Laçi.
Numri i lartë i vatrave të zjarrit dhe angazhimi maksimal që duhet për të parandaluar ngjarjet e rënda i ka lënë pa pushime verore forcat zjarrfikëse pasi lejet janë pezulluar.
Lajme të tjera
-
Çako te Komisioni i Sigurisë: Për këtë vit 1077 vatra zjarri dhe 43466 ha të dëmtuara! 98% nga dora njerëzore, qeveria do kalojë 1,5 mld lekë për kompensime dëmesh
17 Shtator, 14:08 -
Situata e zjarreve në vend, 31 vatra në 24 orë, vetëm 3 janë ende aktive! Ministri Vengu: Situata paraqitet më e qetë
19 Gusht, 09:52 -
Bilanci i zjarreve: Që nga muaji janar janë djegur 29143 ha me pyje dhe javën e fundit 2390 ha
16 Gusht, 13:03 -
Situata e zjarreve ende kritike, 29 vatra të rëna gjatë 24 orëve të fundit! 14 ende aktive, problematike ato në Tomor, Prespë dhe bjeshkët e Dibrës
16 Gusht, 11:56 -
Java e vështirë e zjarreve, Vëngu: 10 vatra janë ende aktive, gatishmëria është rritur! Flakët vijojnë të djegin Parkun Kombëtar të Prespës
15 Gusht, 15:44 -
Zjarret/ 11 vatra zjarri aktive në vend! Vijojnë të jenë aktive flakët në Parkun kombëtar të Prespës në Malin e Thatë
12 Gusht, 10:44 -
Zjarret në vend, Ministria e Mbrojtjes: 5 vatra ende aktive! U bë i mundur izolimi i 19 gjatë 24 orëve
27 Korrik, 10:53 -
Situata e zjarreve në vend, Ministria e Mbrojtjes: 3 vatra aktive në Delvinë, Gjirokastër dhe në Liqenet e Lurës
12 Korrik, 10:01 -
Zjarri në qendrën tregtare të Lushnjës, Goxhaj apel banorëve të bllokuar: Mos hapni dyert, prisni t'ju evakuojnë ose dilni në tarracën e pallatit
25 Dhjetor 2023, 17:32 -
Zjarret në vend, Rama apel prokurorëve dhe gjyqtarëve: Zbatoni rreptësisht ligjin në rastet e zjarrvënies
1 Gusht 2023, 15:22 -
Kujdes zjarret! Këshillat e vlefshme për çdo njeri dhe numrat e telefonit që duhet të dini për të kërkuar ndihmë
24 Korrik 2023, 20:16 -
Evropa, kontinenti që po ngrohet më së shpejti në botë! Nxehtësia ka sjellë zjarre të shumta dhe thatësirë
19 Qershor 2023, 18:51
