Ky 29 nëntor ka shënuar 71 vjetorin e çlirimit të Shqipërisë vetëm për të majtët. Me kurora në duar kreu i shtetit Bujar Nishani , kryeministri Edi Rama , zv kryeparlamentarja Valentina Leskaj, ministra e mbrojtjes Mimi Kodheli , kryebashkiaku Erjon Veliaj si dhe deputet të tjerë të mazhorancës kanë përkujtuar në “Varrezat e Dëshmorëve”71-vjetorin e Çlirimit të vendit .

Në ceremoni kanë marrë pjesë dhe deputet e LSI-së Petrit Vasili dhe Luan Rama. Sekretari i përgjithshëm i LSI tha për mediat se dita e clirimit është një detyrim për për gjakun e derdhur të dëshmorve .
 
“Nderim për dëshmorët e Luftës Antifashiste Nacional-Çlirimtare, nderim për 29 nëntorin, që në thelb është nderim për të gjithë ata djem dhe vajza që sakrifikuan jetën për çlirimin e atdheut, nderim për të gjithë ata që bënë Luftën e madhe Antifashiste Nacional Çlirimtare, është detyrimi i brezave është mirënjohja jonë ndaj sakrificës së tyre por nga ana tjetër është ndërkaq edhe betimi ynë për të patur gjithmonë ëndrrën e tyre, sakrificën e tyre shembullin e tyre busull orientimi për të bërë më të mirën për Shqipërinë anti-fashiste, për Shqipërinë europiane”, - tha z. Luan Rama.

I pyetur se si e shikon faktin që politika shqiptare vazhdon të jetë e përçarë në këtë ditë, me njërën palë që e feston më 28 nëntor ditën e çlirimit, z. Rama tha se kjo është shenja e pafytyrësisë politike, që në ngjarje të tilla nxjerrin lakuriq në sytë e opinionit publik ata që e bëjnë homazhin për hipokrizi.

“Është shenja më tipike e pafytyrësisë politike dhe e sjelljes hipokrite që në ngjarje të tilla natyrisht nuk bëjnë asgjë tjetër por nxjerrin lakuriq në sytë e popullit dhe në sytë e opinionit publik ata që vijnë këtu dhe e bëjnë homazhin për hipokrizi. Janë ata që i kanë rivrarë dëshmorët e Luftës Antifashiste Nacional Çlirimtare e qëndrimin e tyre por nga ana tjetër kjo nuk ka të bëjë asgjë sepse popullit, qytetarët, Shqipëria e ka vlerë të veten këtë luftë e ka medalje të krenarisë së saj dhe ne do ta kemi gjithmonë kështu”, - theksoi Sekretari i Përgjithshëm i LSI-së, Luan Rama.


71 vjetori pavarsise

edi rama dhe nishani 71 vjetori pavarsise
(Kryeministri Rama dhe presidenti Nishani gjatë ceremonisë)

veliaj 71 vjetori pavarsise
(Kryebashkiaku Veliaj)

monumenti nene shqiperi
(Monumenti "Nënë Shqipëri")

ceremonia 71 vjetoprit te cvlirimit

homazhet

luan rama dhe petrit vasili
Luan Rama dhe Petrit Vasili gjatë ceremonisë

valentina leskaj 71 vjetori clirimit
Valnentina Leskaj gjatë ceremonisë

Për opozitën, data e Çlirimit të vendit përkon më atë të Pavarësisë, ndaj dje kryetari demokrat Basha i bëri homazhet 

*Lajmi në përditësim

Vijon....

Redaksia online
(s.m/shqiptarja.com)