'78% e mjekëve kërkojnë të largohen', Tritan Shehu: Ju tregoj gjashtë arsyet

Ish- ministri i Shëndetësisë, Triran Shtehu ka dhënë 6 arsye që argumentojnë dëshirën e mjekëve për t’u larguar nga Shqipëria. Shehu shkruan në rrjetin social “Facebok” se aktualisht raporti i mjekëve është një mjek për 1000 banorë, e sipas tij, Shqipëria gjendet në nivelet e Afrikës Qendrore.Shehu shkruan më tej se rënia e numrit të mjekëve konsiston me plagët e thella që ka sistemi shëndetësor.

Statusi i ish-ministrit të Shëndetësisë vjen pas publikimit të raportit se 78% e mjekëve duan të ikin nga Shqipëria.

Mjeket “specie ne zhdukje”, në një sistem shëndetësor drejt kolapsit.

LEXO EDHE:
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin

Së fundmi u publikua se numri i tyre arriti në 1 mjek për 1000 banorë, nivele Afrikano Qendrore këto. Kjo rënie nuk është e lidhur thjesht me pagesat, por me “plaget e thella” që ka ky sistem, duke detyruar edhe 78% të ekzistuesve të pregatisin largimin nga vendi:

1-Sistemi yne shëndetësor renditet i fundit në Europë për "kujdesin ndaj pacientit" me një varfëri ekstreme në financim e pak elemente sociale, koncentrim të shërbimeve në pak qendra, numër shtretërish (2,2 per 1000 banorë), specialitetesh (reth 200), disa herë më ulet se mesataret europiane etj.

2-Nuk artikulohet asnjë strategji zhvilluese financuese kontributesh, apo menaxhuese si koncepti “spitali ndërrmarrje”, autonomia institucionale etj.

3-Parësori është një instrument i centralizuar për qëllime politike e abuzive.

4-Farmaceutika ka një listë medikamentesh që rimbursohen disa herë më të vogël se në vendet europiane në numër e vlerë.

5-Siguria medikamentoze është cenuar nga prejardhja në shumicë e tyre jashtë prodhuesve të “origjinës së sigurtë”, jo me prioritet cilësinë por interesat, nga largimi i kompanive serioze, nga mungesa e një kontrolli cilësor etj, duke prekur së pari alternativat e para.

6-Mjekët nuk e gjejnë veten në këtë sistem, që nuk u siguron mjaftueshëm nivelin teknik, kualifikimet, nivelin shkencor, teknologjinë, “arsenalin” farmakologjik, literaturën, të ardhurat ekonomike etj, si dhe as dinjitetin.

Kolapsi, që po "troket në derë" duhet ndaluar, por kjo kërkon ndryshime thelbësore në të gjithë sistemin dhe jo “makiazhe”!

Tritan Shehu, ish ministri i Shëndetësisë

TAG:
• TRITAN SHEHU
• Raporti
• mjeket