Nga janari në gusht në buxhetin e shtetit kanë hyrë 425 miliardë lekë duke shënuar rritje prej 48.5 miliardë lekë krahasuar me 8 mujorin e vitit të kaluar. Ministria e Financave detajon se Drejtoria e Përgjithshme e Tatimeve dhe Doganat kanë pasur performancën më të mirë duke i sjellë shtetit 368 miliardë ose 32.9 miliardë lekë më shumë se vjet, 12.7 miliardë lekë më shumë se parashikimi i Ministrisë së Financave.
Tatimet kanë mbledhur 226.6 miliardë lekë, 35.3 miliardë ose 18.4% më shumë se janar-gushti i 2022. Ndër zërat që i kanë sjellë më shumë para shtetit në buxhet janë kontributet e sigurimeve shoqërore, me 13.7 miliardë ose 17.6 % më shumë se janar gushti i vitit të kaluar. Pasojë kjo direkte që vjen nga rritja e pagave të administratës shtetërore dhe biznesit.
Tatimi mbi fitimin rakohet u dyti për më shumë para të dorëzuara në buxhetin e shtetit, me 40.9 miliardë lekë, apo 10.9 më shumë se vjet.
Mbi parashikimet e ministrisë së financave dhe më shumë para se 8 mujori i 2022 rezultojnë edhe të ardhurat nga tatimi mbi të ardhurat personale me 8.7 mld dhe TVSH neto me 5.9 mld.
Rritje në 8 mujorin e të ardhurave nga doganat e ka shënuar akciza me 38.2 miliardë lekë, 3.5 miliardë më shumë se viti i kaluar dhe taksa doganore me 5.9 miliardë ose 400 milionë lekë më shumë. Por Doganat në total për janar gusht të këtij viti kanë dorëzuar 2.4 miliardë lekë më pak se viti i kaluar. Më pak para janë mbledhur nga TVSH e importit dhe renta minerare në eksport.
Por teksa ka mbledhur 425 miliardë lekë të ardhura, buxheti ka nxjerrë më pak për shpenzime, ku për investime publike në 8 muaj janë dhënë 377.4 miliardë lekë, një realizim 92.8% të planit të parashikuar. Paratë e dhëna nga shteti në 8 muaj kanë shkuar më shumë për shpenzime operative dhe të mirëmbajtjes janë 335.6 miliardë lekë, apo 32.2 miliardë më shumë se vjet. Buxheti ka lëshuar më pak se vjet para për shpenzimet kapitale për financim të brendshëm e të jashtëm në investime publike, me 41.6 miliardë lekë, duke dhënë 1.3 miliardë lekë më pak.
Shteti në 8 muajt e parë të këtij viti ka dalë me një nivel suficiti rreth 47.8 miliardë lekë dhe krahasuar me janar gushtin e vitit të kaluar shteti rezulton me 33.4 miliardë lekë më shumë të ardhura të mbledhura.
Totale 425 mld lekë 48.5 mld lekë më shumë se 2022
Tatimet 226.6 mld lekë 35.3 mld lekë më shumë se 2022
Doganat 141 mld lekë 2.4 mld lekë më pak se 2022
Tatimi mbi fitimin 40.9 mld lekë 10.9 mld më shumë
Kontributet e sigurimeve shoqërore 91.1 mld lekë 13.7 mld më shumë
TVSH (neto) 30.9 mld lekë 5.9 mld më shumë
Tatimi mbi të ardhurat personale 39.3 mld lekë 8.7 mld më shumë
Taksat nacionale 24.3 mld lekë 3.9 mld më pak
TVSH në import 95.3 mld lekë 5.2 mld më pak
Akciza 38.2 mld lekë 3.5 mld më shumë
Renta minerare 2 mld lekë 1 mld më pak
Taksat doganore 5.9 mld lekë 400 mln më shumë
Shpenzimet e përgjithshme publike 377.4 mld lekë 15.1 mld më shumë
Shpenzimet korente 355.6 mld lekë 32.2 mld më shumë
Shpenzimet kapitale 41.6 mld lekë 1.3 mld më pak
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Projektbuxheti/ Ulja e nëndeklarimit të pagave do të sjellë 150 mln euro shtesë në buxhet në vitin 2025!
29 Tetor, 17:50
