POP 5

Lajmet më të lexuara të 5 minutave të fundit

Kosova & Rajoni

​AKR kërkon rinumërim të të gjitha
fletëvotimeve në tërë Kosovën

Aleanca Kosova e Re e Behgjet Pacollit, parti kjo e cila nuk ka arritur ta kaloj pragun zgjedhor në zgjedhjet nacionale të 8 qershorit, thotë se ka vejtur parregullsi të mëdha gjatë numërimit të votave dhe bartjes së rezultateve, duke kërkuar nga KQZ-ja të marrë vendim për rinumërim të të gjitha fletëvotimeve në tërë territorin e Kosovë.
PRISHTINE- Aleanca Kosova e Re e Behgjet Pacollit, parti kjo e cila nuk ka arritur ta kaloj pragun zgjedhor në zgjedhjet nacionale të 8 qershorit, thotë se ka vejtur parregullsi të mëdha gjatë numërimit të votave dhe bartjes së rezultateve, duke kërkuar nga KQZ-ja të marrë vendim për rinumërim të të gjitha fletëvotimeve në tërë territorin e Kosovë.

Në një komunikatë për media nga kjo parti thuhet se, AKR-ja përmes anëtarëve të saj në KVV, ka pranuar fakte të cilat flasin për parregullsi gjatë numërimit dhe bartjes së rezultateve në Formularin e përputhjes se të dhënave dhe rezultateve, nga të cilat shihet se votat e AKR-së, me apo pa qëllim, u janë bartur subjekteve të tjera politike.

“Këto parregullsi dëshmohen me formularin e rezultatit të kandidatëve ku në të njëjtën vend votim, kandidatët kanë vota ndërsa subjekti politik AKR-ja nuk ka as edhe një votë të vetme. Deri më tani, AKR ka të identifikuar disa prej rasteve të tilla, të cilat seriozisht e dëmtojnë AKR-në, dhe njëkohësisht abuzojnë me vullnetin politik të votuesit. Komisionerët kanë dokumentuar se ka edhe raste kur votat e AKR i jani bartur një subjekti tjetër politik, kandidatët e të cilëve nuk kanë asnjë vote”, thuhet në komunikatë.

AKR ës htë shprehur e shqetësuar edhe për raste dhe mënyra të tjera kur vullneti i qytetarëve është keqpërdor siç janë dëmtimet e qëllimshme të votës së përcaktuar për AKR-në.

Për këtë arsye Aleanca Kosova e Re, kërkon nga Komisioni Qendror Zgjedhor, që të marrë vendim për rinumërim të plotë të të gjitha fletëvotimeve në tërë territorin e Kosovës, me çka do të dëshmohet se vullneti i qytetarëve do të respektohet në tërësi.

“Rinumërimi i plotë i fletëvotimeve do të eliminonte edhe pakënaqësitë, që tashmë kanë filluar të dalin në shesh, nga kandidatët dhe ankesat e tyre për manipulim të votave të brendshme”, thuhet në komunikatën e AKR-së.

AKR, i siguron qytetarët se do të angazhohet që vullneti i secilit votues do të respektohet në plotni, pavarësisht rezultatit që mund ta kenë subjektet politike, në këtë rast edhe AKR-ja.

Ndryshe, në zgjedhjet e 8 qershorit nga numërimi i 99.83 % të votave AKR-ja ka marrë vetë 4.66 për qind, duke mos kaluar kështu pragun zgjedhor. 

Marrë nga "Kosova Press"

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

Atentati në Vlorë, dëshmon Kevin Hajrulla: Nuk kam konflikte me njeri! Inezin e kam kushëri, por kontaktet i kemi të rralla

11 Janar, 18:45 nga Armand Xhelili