POP 5

Lajmet më të lexuara të 5 minutave të fundit

Kronikë

​Deputeti i PS: E takova Shullazin
për hotel Vollgën. Çfarë më tha

Sot në Gjykatën e Krimeve të Rënda u dëgjua dëshmia e Çyrbja, i cili tha se Shullazi i ka ardhur me një shkresë në dorë për të regjistruar Hotel Vollgën në emër të tij.  VIDEO  FOTO
TIRANE-Jurgis Çyrbja, deputeti aktual i Partisë Socialiste, ka qenë drejtor i Hipotekës së Durrësit gjatë kohës kur Emiljano Shullazi e banda kanë marrë Hotel Vollgën e Ylvi Beqajt.

Sot në Gjykatën e Krimeve të Rënda u dëgjua dëshmia e Çyrbja, i cili tha se Shullazi i ka ardhur me një shkresë në dorë për të regjistruar Hotel Vollgën në emër të tij.

Çyrbja ka deklaruar se Beqja i ka kërkuar që së bashku të takohen me Shullazin dhe takimi është bërë në Shijak, afër shtëpisë së Drejtorit të Hipotekës së Durrësit.

“Fillimisht më ka ardhur një urdhër nga Hipoteka qëndrore për të regjistruar ish-Hotel Vollgën. Më pas më ka ardhur një urdhër i dytë që të mos bëja veprime. Jam takuar me Emiljano Shullazin dhe Ilvi Beqjan në një lokal në Shijak. Shullazi më kanë thënë “Pse s’po regjistrohet prona ime” dhe unë i kam thënë që do zbatoja ligjin.

Shullazin më ka ardhur edhe pranë shtëpisë sime dhe më ka thënë “ E do me shkresë nga lart që ta bësh regjistrimin apo jo”. Për këtë pronë jam takuar disa herë edhe më Ilirjan Muhon, për të diskutuar.

Ilvi Beqja ma prezantoi Shullazin si bashkëpunëtor të tij. Më ka ardhur në zyrë edhe Gilmando Dani, i cili më pyeti se “pse nuk po regjistrohet prona e Emiljano Shullazit”. Më kanë kërcënuar për ish-hotel Vollgën, por jo Emiljano Shullazi”, është shprehur deputeti i Partisë Socialiste Jurgis Çyrbja. 


[gallery]23141[/gallery]
Dëshmia e noteres: Akt-dhurimi i hotel Vollges ne shenje respekti
Po sot është dëgjuar dhe dëshmia e noteres Aida Spahiu që ka firmosur për akt-dhurimin e ish-hotel Vollgës tek Emiljano Shullazi.
“Më ka ardhur Shullazi e Ylbi Beqja. Kam firmosur kontratën e dhurimit. Arsyeja? Në shenjë mirënjohje e respekti”.

Nuk pranon te deshmoje avokati Neshat Fana
Ndërsa avokati Neshat Fana, u paraqit në seancë por nuk pranoi të dëshmojë për shkak të sekretit profesional.
Ish avokati i Berishës Neshat Fana theksoi vetëm se, “Jam takuar me Shullazin disa herë. Nuk mund të flas për shkak të detyrës sëpse nxjerr sekretin hetimor”

Me këto dëshmi përfundoi seanca gjyqësore ndaj Emiljano Shullazit.

Shullazi akuzohet si kreu i një grupi kriminal për gjobëvënie e mbi të rëndojnë 7 akuza.

Sipas Prokurorisë, Shullazi ka gjobitur tre biznesmenët Ylvi Beqja, Jani Zaka dhe Adriatik Këçuku si dhe ka kërcënuar për t’u tërhequr nga gara kandidatin për rektor Mynyr Koni si dhe ka kanosur rektorin Dhori Kule.

Përveç Emiljano Shullazit nën gjykim do të jenë edhe shoku i tij Gilmando Dani, nipi i tij Endrit Zela si dhe Blerim Shullazi e Endrit Qyqa.

(d.b/Shqiptarja.com)

/Shqiptarja.com
  • Sondazhi i ditës: 23 Janar, 09:41

    Secila parti në zgjedhje me 46 deputetët e parë të fiksuar, si e vlerësoni?

Lajme të tjera



×

Lajmi i fundit

Itali/ Po trafikonte mbi 3 kg kokainë me ‘Mercedes Class’ në autostradë, arrestohet korrieri shqiptar! Vlera e drogës së 26-vjeçarit 300 mijë euro

Itali/ Po trafikonte mbi 3 kg kokainë me ‘Mercedes Class’ në autostradë, arrestohet korrieri shqiptar! Vlera e drogës së 26-vjeçarit 300 mijë euro

23 Janar, 16:07