Pa diskutim kjo është grabitja më qesharake që mund të keni parë ndonjëherë.

Kamerat e sigurisë së një pub-i në Queensland, Australi kanë filmuar momentin ku një grabitës tenton të hyjë brenda duke thyer  xhamin e derës me një fuçi metalike birre.

Pas shumë lodhje ai arrin të thyej një pjesë të xhamit dhe përpiqet të kalojë nga ajo.

Një përpjekje që duket shumë e vështirë, pasi ai thuajse zvarritet për të kaluar.

Por më e bukura në të gjithë këtë qëndron në faktin se në momentin që ai më në fund futet brenda, dera hapet vetë, pra rezulton që nuk kishte qenë e kyçur fare që në fillim, dhe pas gjithë kësaj pune dhe sakrifice, grabitësi ynë amatorë është vetëdorëzuar në polici mëngjesin e nesërm.