Është 84 vjeçe por ende e fortët për të përballuar një virus famëkeq si ai i COVID-19 dhe të dalë triumfuese nga spitali Infektiv. Nënë Rukija është një nga luftëtaret e pamposhtura që ka fituar betejën e saj me koronavirusin dhe sot i është bashkuar njerëzve të dashur dhe familjarëve të saj.
Edhe pse e veshur me të zeza, për të, sot ishte një ditë e bardhë, plot shpresë dhe energji për të vijuar jetën e saj krahë nipërve dhe mbesave. Ajo është shoqëruar nga heronjtë e bluzave të bardha që po luftojnë çdo ditë me koronavirusin, për të shëruar sa më shumë pacientë dhe sot ishte fati i nënë Rukijes dhe 7 pacientëve të tjerë që lanë spitalin gjatë 24 orëve të fundit.
Lajmin e mirë e ka dhënë ministrja e Shëndetësisë Ogerta Manastirliu, e cila shkruan se “Nënë Rukija plot 84 vjeç ka lënë spitalin Infektiv e shëruar nga COVID19. 8 pacientë janë kthyer në shtëpi në 24 orët e fundit".
![](https://shqiptarja.com/template/img/NO_ALFA_Kuadrate shqiptarja.png)
Deri në këto momente kanë fituar betejën e tyre me koronavirusin plot 154 pacientë dhe personel mjekësorë.
Komente
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)
Eshte menaxhuar shume mire por ka njerez te pa ndergjegjeshem qe shkelin rregullin. Por ka dhe njerez qe shesin bylmet ne mes rruges ose fruta=perime nuk sherbejne ne lokal por i nxirrin ne mes tortuarit per toke ketu duhet te veprojne organet e pushtetit lokal dhe inspektoriat shendetesor e polica
PërgjigjuShendet nene Rukia
Përgjigju