POP 5

Lajmet më të lexuara të 5 minutave të fundit

Kronikë

COVID/ 9500 gjoba në total në gjysmën e dytë të tetorit! Të rinjtë nga 23-30 vjeç më të pabindur, refuzojnë të mbajnë maskë

Të rinjtë nga mosha 23 deri në 30 vjeç janë më të pabindurit për mbajtjen e maskës kundër COVID-19. Që prej datës 15 tetor kur ka hyrë në fuqi mbajtja e maskës në ambjente të jashtme janë vënë në total rreth 9500 gjoba. Moshat më të vjetëra, të cilat edhe janë më të rriskuara nga virusi, janë target-grupi që kanë respektuar më shumë mbajtjen e maskës.

TIRANË- Grupmosha 23 deri në 30 vjeç janë personat më të pabindur dhe më të pagdhendur në lidhje me mbajtjen e maskave për parandalimin e virusit COVID-19. Që prej hyrjes në fuqi të mbajtjes së maskës në ambjentet e jashtme në datën 15 tetor, një numër i konsiderueshëm gjobash prej 3 mijë lekësh janë vënë nga efektivët e policisë në të gjithë vendin.

Moshat 20 deri në 40 vjeç, bëjnë me dije burimet zyrtare nga Policia e Shtetit, janë gjobitur më shumë, duke sjell në këtë mënyrë trendin e mosbindjes për mbajtjen e maskave kryesisht në moshat e reja. Të dhënat nga Policia e Shtetit tregojnë se grupmosha që ka respektuar më shumë mbajtjen e maskës në ambjentet e jashtme janë ato më të vjetëra, duke filluar nga 40 deri në 60 vjeç. Kryesisht, kjo grupmoshë, e cila është edhe më e rriskuara nga virusi COVID-19 duket se respekton mbajtjen e maskës edhe për shkak të rrezikut të drejtëpërdrejtë që sjell për ta.

Të rinjtë janë më të pabindurit pasi pjesa më e madhe e atyre që kalojnë koronavirusin janë asimptomatik, por në të njëjtën kohë edhe target-mosha që transmeton më shumë virusin. Referuar të dhënave të policisë, në total që prej datës 15 tetor janë gjobitur rreth 9500 persona, të cilat nga ana monetare përkthehen në 28.5 milionë lekë të reja, që do të mblidhen përmes faturave të energjisë elektrike. Në ditët e fundit, pjesë e vendimeve për të penguar transmetimin e COVID-19 janë edhe mbyllja e lokaleve të zonës së ish-Bllokut në Tiranë, për shkak të përqëndrimit të madh të njerëzve në këto ambjente, duke filluar nga ora 22:00.

Në vetëm dy ditë, 7 subjekte janë gjobitur nga policia me vlerën orej 10 milionë lekë të vjetëra.

B.K./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mirditor: 02/11/2020 14:30

    Kush nuk mban masken mos ti jepet ndihma e parë në rast nevoje. Kshtu ta kuptojn se virusi nuk është vetem për pleqt

    Përgjigju
    • adi: 02/11/2020 16:04

      po ik ore mbyllu ne shpi nese ke frike. mos u merr me njerezit.

  • ceni: 02/11/2020 14:11

    edhe ky polici si lul basha e paska vene masken

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Cilat janë përfitimet shëndetësore që vijnë nga konsumimi i çokollatës së zezë

Cilat janë përfitimet shëndetësore që vijnë nga konsumimi i çokollatës së zezë

26 Dhjetor, 17:39