Dhimbja emocionale, ndryshe nga ajo fizike është e padukshme, por ndikimet e saj janë shumë të prekshme dhe më të thella se ç’mendoni. Fakti që nuk shihet nuk e bën më pak të rrezikshme - përkundrazi! Ajo mund të sjellë pasoja në mendjen dhe trupin tënd pa të dhënë asnjë paralajmërim.
Por si ndikon dhimbja emocionale në trupin tënd?
Dhimbja emocionale, qoftë nga humbjet personale, zhgënjimet apo keqardhja, ka fuqi të jashtëzakonshme të ndikojë në jetën tënde. Jo vetëm që të lodh mendërisht, por shkakton edhe simptoma fizike si dhimbje koke, shqetësime me stomakun, lodhje të vazhdueshme dhe madje dhimbje muskulore. Kjo është arsyeja pse shpesh njerëzit nuk mund të bëjnë lidhjen mes ndjenjave të tyre të brendshme dhe shëndetit të tyre fizik.
Si ndikon trishtimi në trupin tënd?
Shpesh dëgjojmë shprehjen ‘Koha shëron gjithçka’. Por a është vërtet kështu? Kur përballesh me trishtim të vazhdueshëm, ai fillon të ndikojë në gjithë funksionimin tënd. Kur trishtimi nuk ikën vetvetiu dhe zgjat më shumë se duhet, ai të çon drejt depresionit, një sëmundje që mund të prekë çdo qelizë të trupit. Prandaj ndihesh i/e lodhur, pa energji. Kjo gjë ndodh për shkak se dhimbja emocionale shkakton stres të vazhdueshëm që ndërhyn në mirëqenien tënde të përgjithshme.
Po zemërimi?
Zemërimi i pashprehur është si një “bombë me sahat” për trupin tënd. Trupi yt fillon të prodhojë adrenalinë, që rrit tensionin e muskujve, përshpejton frymëmarrjen dhe mund të shkaktojë edhe probleme më serioze nëse kjo gjendje vazhdon për një kohë të gjatë. Dhe më e keqja është që ky lloj zemërimi të bën të ndihesh edhe më i/e lodhur emocionalisht, duke të ndikuar negativisht në çdo aspekt të jetës tënde.
Ankthi dhe frika
Ankthi është një tjetër pasojë e dhimbjes emocionale që mund të të izolojë nga jeta e përditshme. Trupi yt, nën ndikimin e ankthit është gjithmonë në gjendje "lufto ose ik" dhe ky stres i vazhdueshëm ndikon në shëndetin tënd fizik, pasi ndihesh i/e lodhur, i/e pafuqishëm/e dhe ndonjëherë mendon sikur çdo gjë të del nga kontrolli. Nëse nuk trajtohet, ankthi mund të bëhet kronik dhe të ndikojë jo vetëm mendërisht, por edhe fizikisht.
Si ta përballoni dhimbjen emocionale?
Nuk mund të ndryshosh ndjenjat e tua në çast, por mund të mësosh si t’i përballosh ato. Një nga mënyrat efektive është të kuptosh më mirë emocionet e tua dhe si ato ndikojnë në trupin tënd. Gjithashtu, ushtrimet fizike si yoga apo meditimi mund të ndihmojnë të qetësosh mendjen dhe të lehtësojnë tensionin fizik. Përveç kësaj, të flasësh me dikë që i beson, qoftë mik apo terapist është një mënyrë e shkëlqyer për të çliruar ngarkesën emocionale dhe për të lehtësuar trishtimin apo stresin.
Komente
Lajme të tjera
-
Festivali në RTSH, Stresi: Dallaverxhi deri në rrënjë, e di çfarë luhet aty
23 Dhjetor, 14:34 -
Oriola Marashi flet për betejën me ankthin dhe pasiguritë: U bë tepër e rëndë! Duaje veten për atë që je
22 Dhjetor, 17:04 -
Studimi: Lumturia ul rrezikun e atakut kardiak dhe hemorragjisë cerebrale
12 Dhjetor, 18:23 -
Nga shëndeti i zemrës te humbja e peshës si ndikon ecja në shëndetin tuaj
8 Dhjetor, 19:17 -
Farat e kungullit, përfitimet shëndetësore që vijnë nga konsumimi i tyre
7 Dhjetor, 08:15 -
Ushqimet që nuk duhen konsumuar kur keni dhimbje fyti
6 Dhjetor, 15:45 -
I dha makinës në krah të kundërt duke parakaluar me shpejtësi, Rrugorja ndëshkon me gjobë 250 mijë lekë Stresin dhe i zbret 10 pikë nga patenta (VIDEO)
5 Dhjetor, 16:03 -
VIDEO/ Djali i Sali Lushajt sfidon Policinë në mes të ditës, rrezikon jetën e dhjetëra personave
4 Dhjetor, 12:37 -
Ushqimet kundër stresit, ç’duhet të hani për të përmirësuar humorin
2 Dhjetor, 15:25 -
Shenjat që tregojnë se trupi juaj është plot me toksina
2 Dhjetor, 10:40 -
Pse konsumimi i tepërt i sheqerit mund të dëmtojë trurin tuaj?
1 Dhjetor, 16:16 -
Ankthi i mëngjesit, nga se shkaktohet dhe si ta përballoni
29 Nëntor, 08:46
