POP 5

Lajmet më të lexuara të 5 minutave të fundit

Opinion

A është i interesuar Urdhëri i Farmacistëve për zgjidhje?

Presidentja e Urdhërit, e cila kujdeset që të lajmërojë mediat, që ta shoqërojnë çdo herë që ka për të zhvilluar një takim, qoftë në Ministri, qoftë në FSDKSH, as nuk hap telefonin dhe as nuk i përgjigjet ftesës së Drejtorit të Fondit
A është i interesuar Urdhëri i Farmacistëve për zgjidhje?

Foto ilustruese

Pak ditë më parë, pas një takimi në Ministrinë e Shëndetësisë dhe Mbrojtjes Sociale, Urdhëri i Farmacistëve, nëpërmjet zërit të Presidentes Diana Toma, anuloi një protestë dyorëshe që kishte paralajmëruar, dhe u ul në bisedime me specialistët e FSDKSH.

Sipas burimeve nga Fondi, bisedimet kanë nisur menjëherë. Por sipas tyre, ajo që është vënë re gjatë bisedimeve të këtyre ditëve, është qasja ultimative e përfaqësuesve të Urdhërit, të cilët përkundër frymës së negociatave dhe bashkëpunimit që iu ofrua edhe nga ana e Ministrisë së Shëndetësisë, më shpesh flasin për ulje qepenash, sesa për zgjidhje përmes dialogut.

Presidentja e Urdhërit, e cila kujdeset që të lajmërojë mediat, që ta shoqërojnë çdo herë që ka për të zhvilluar një takim, qoftë në Ministri, qoftë në FSDKSH, as nuk hap telefonin dhe as nuk i përgjigjet ftesës së Drejtorit të Fondit për vijimin e bisedimeve.

Në vend të kësaj, duke mos i lënë asgjë mangët politikanëve “të racës” - që ndryshe nga ajo, këtë lloj sjelljeje ua kërkon profesioni - shpërndan në redaksitë e mediave dhe portaleve ultimatumin që mban gjithmonë orën 11.00, ndërsa institucioneve u jep ultimatume të llojit: “o bëni siç duam ne, farmacistët, o do ulim qepenat!”

Një sjellje që nuk mund të mos nxisë disa pyetje të thjeshta: A janë të interesuar për zgjidhje përfaqësuesit e Urdhërit? A kanë vërtetë për zemër zgjidhjen e mosmarrëveshjeve, dhe mbi të gjitha interesin e qytetarëve? A janë duke i përdorur pjesëtarët e Urdhërit, domethënë farmacistët, dhe a po përdoren edhe vetë përmes fijeve që nisin tek biznesi dhe përfundojnë tek politika?

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

Dy ish-kunatat, Nora Istrefi e Tuna bëhen bashkë, këndojnë mbi arkivol 'My love' (VIDEO)

26 Dhjetor, 07:53