A është intervista e Meghan dhe Harry një krizë më e madhe për monarkinë sesa skandali që shpërtheu në 1995 pas intervistës së Princeshës Diana?

A është intervista e Meghan dhe Harry një krizë më e madhe për monarkinë sesa skandali që shpërtheu në 1995 pas intervistës së Princeshës Diana?

Rrëfimi i fuqishëm i Meghan Markle në intervistën e saj me Oprah ka të ngjarë të jetë aq shpërthyes sa intervista e Princeshës Diana me Martin Bashir të BBC në 1995 - e cila ndihmoi në nisjen e një krize që iu desh viteve monarkisë të merrte veten.

Fjalët e Dukeshës së Sussex mund të jenë potencialisht edhe më tronditëse se ato të  Princeshës së ndjerë të Uellsit sepse pyetjet që ajo ngre janë më të vështira për t'u përgjigjur nga pallati.

Harry i tha Oprah "Ajo që po shihja ishte se historia po përsëritej, por ndoshta shumë herë më e rrezikshme, sepse mediat e vështirësonte më shumë gjendjen".

Për Meghan, ndjenjat e vetmisë dhe izolimit që e çuan atë në mendime vetëvrasëse u shtuan kur në muajt e saj të fundit të shtatzënisë atyre iu tha se të porsalindurit të tyre nuk do t’i jepej asnjë titull. Të qenit princ ose princeshë ishte me pak pasoja për çiftin,  përveç se mos mbajtja e një titulli do të thoshte që fëmija i tyre nuk do të kishte sigurinë që i vinte nga ai.

"Ai duhet të jetë i sigurt", shpjegoi Meghan. "Por nëse jeni duke thënë se titulli është ajo që do të ndikojë në mbrojtjen e tij, ne nuk e kemi krijuar këtë makinë monstruoze rreth nesh për sa i përket klikimit të tabloideve. Ju keni lejuar që kjo të ndodhë, që do të thotë që djali ynë duhet të jetë i sigurt ".

Meghan më pas zbuloi se kishte pasur "shqetësime dhe biseda rreth asaj se sa e errët mund të jetë lëkura e tij kur të lindë". E tronditur dukshëm, Oprah i bëri presion dukeshës, e cila shpjegoi se Harry kishte bërë disa biseda me mbretër të panjohur.

"Ishte vërtet e vështirë të isha në gjendje t'i shikoja ato si biseda të ndara," vazhdoi Meghan. Kur u pyet nga Oprah nëse shqetësimi ishte se "nëse ai do të ishte shumë kafe kjo do të ishte një problem", Meghan tha se nuk ishte "në gjendje të kuptonte se përse”.

Harry refuzoi të shtjellonte specifikat e bisedës gjatë intervistës dhe shtoi vetëm se "në atë kohë, ishte e vështirë. Unë isha pak i tronditur". Duka theksoi se ajo nuk ishte hera e parë që tema ngrihej; në të vërtetë, ajo ishte diskutuar  "që në fillim".

"Kishte disa shenja të qarta se kjo do të ishte vërtet e vështirë, që para se të martoheshim ", shtoi Harry.

Deri tani nuk ka pasur asnjë reagim nga Pallati mbretëror edhe pse çdo deklaratë do të shihet nga shumë si një përgjigje ndaj akuzës për racizëm institucional.

Pastaj ekziston pretendimi se monarkia dështoi në detyrën e saj për t’u kujdesur për Meghan kur ajo kishte mendime  për të kryer vetëvrasje. Meghan thotë se ajo u përpoq të kërkojë ndihmë  tek një anëtar i lartë i stafit dhe departamenti i burimeve njerëzore të pallatit, por nuk iu ofrua asnjë mbështetje.

Vetëm pasi u martuan, Meghan vlerësoi me të vërtetë atë që kishte marrë përsipër.

"Jo vetëm që nuk isha e mbrojtur,  por ata ishin të gatshëm të gënjejnë për të mbrojtur anëtarët e tjerë të familjes, por mbi të gjitha ata nuk ishin të gatshëm të thoshin të vërtetën për të mbrojtur mua dhe burrin tim," tha ajo.

Dhe për të mbështetur mendimin e saj ajo tregoi një histori që kishte ndodhur disa muaj pas martesës. Gjatë intervistës Meghan tregoi se pavarësisht deklaratave që kishin shpërthyer atë kohë në media që ajo kishte bërë të qante Kate, Dukeshën e Kembrixhit,  në fakt kishte qënë totalisht e kundërta.

"diskutimi se unë kisha bërë Kate të qajë, mendoj se ishte fillimi i një vrasjeje me karakter të vërtetë," tha ajo. "Dhe ata e dinin që nuk ishte e vërtetë. Dhe unë mendova, mirë, nëse ata nuk do të hedhin poshtë gjëra të tilla, atëherë çfarë do të bëjmë?"

Meghan tha se ishte një kohë stresuese dhe vendosi të mos shtjellonte më shumë pasi Kate kishte kërkuar falje dhe gjithçka ishte harruar mes tyre por "ajo që ishte e vështirë për të kapërcyer ishte fajësimi për një gjë që nuk e kishte bërë".

Intervista kokë me kokë me Oprah Tete-a-tete me Oprah, e lançuar prej javësh si një bombë deklaratash nuk rezultoi të sihte aspak një dështim.  Kur krahasohet me intervistën e Diana, kjo do të hyjë në histori si më përçarëse, duke pasur parasysh zbulimet tronditëse rreth racës dhe përhapjen e mediave sociale sot.

Për shumë njerëz tme ngjyrë  dhe racave të përziera si në Britani e në të gjithë botën, zgjedhja e Harry për personin që do ta shoqëronte gjithë jetën kishte me të vërtetë shumë kuptim. Për disa, fakti që një grua biracale po martohej me një pjesëtar të familjes mbretërore ishte diçka që ata kurrë nuk e imagjinuan dhe kjo e bëri familjen më të rëndësishme.

Zbulimi se ngjyra e lëkurës mund të ndikojë në statusin e ardhshëm të fëmijëve të tyre mund t’i  tmerrojë njerëzit.

Pyetja tani është: Si do të përgjigjet pallati? Dhe, më e rëndësishmja, a do të ndërmarrë ndonjë veprim në lidhje me akuzat e racizmit të ngritura ndaj tij?

I përballur tanimë me shumë pikëpyetje për qëndrimet e tij, tani duhet të rindërtojë besimin dhe të tregojë se mund ta mbajë veten në standarde më të larta.

Familja mbretërore ishte në gjendje t'i mbijetojë skandalit  të shkaktuar nga Diana sepse riktheu besimin e publikut në institucion,  ndihmuar nga interesi i botës për dy djemtë e saj, William dhe Harry dhe gratë me të cilat u martuan. Ajo që do të dalë më pas në përgjigje të kësaj interviste  thellë dhe zbulimet në të, do të përcaktojë nëse mund të kapërcejë dëmin afatgjatë pësuar nga humbja e Harry dhe Meghan , personazheve më të dashur  nga radhët e saj.

Detyra e çdo monarkie është të përfaqësojë të gjithë subjektet, por disa njerëz do ta ndiejnë sot se nuk vlen më për ta.

 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • LORA: 08/03/2021 19:44

    Respekt per Meghan dhe Harry.

    Përgjigju
    • Lora ja fut kot: 08/03/2021 22:14

      Pse çar kane bere per ti respektuar ata veçanerisht , vezen e kuqe , se pune tjeter s‘bejne ata ...

  • Turi: 08/03/2021 17:06

    Hahahah pse cfare pretendonit qe te ndodhte ju ? Demokracia eshte e kontrolluar

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis

Drogë me postë nga Kalifornia në Tiranë, dy të arrestuar! Sekuestrohet 3.2 kg kanabis