A rrezikohet rindërtimi? Rama: Mbase thjeshtë na shtyn pak në kohë, por do të bëhen

Situata me koronavirusin nuk e prek aspak planin e rindërtimit nga tërmeti. Kryeministri Edi Rama tha se kjo situatë që është aktualisht vetëm mund ta shtyjë pak në kohë, por jo shumë, rindërtimin.

"Ne kemi tanimë, shpallur qoftë garën ndërkombëtare për bllokun e parë të shtëpive, të atyre që jetojnë në zonat jashtë qendrave urbane dhe duhet ti nxjerrim nga cadra në një shtëpi.

Kemi shpallur dje garën ndërkombëtare për shkollat, do i ndërtojmë të gjitha të reja, plus 8 konvikte dhe këto si na i jep si nuk i jep BE-ja apo ata që na i premtuan në konferencën e Brukselit do të bëhen me ses'bën. Koronavirusi nuk ka për të na e ndryshuar planin, që atyre që u kemi thënë fjalën tu japim celësin e shtëpisë.

Mbase thjeshtë na shtyn pak në kohë, jo shumë, unë mbetem i vendosur që të bëjmë gjithcka që familjeve t'u japim celësat dhe të bëjmë gëzuar me ata vitin e ri. Uroj të mos bëhet objektivisht e pamundur për shkak të luftës. Shkollat e reja do të shtyhen pak, por procesi nuk ndryshon. Nuk ka asnjë arsye për të dyshuar se BE-ja do i qëndrojë fjalës. Shuma e dhënë nga BE-ja është esenciale për të bërë gjërat sikur duhet për strehimin dhe arsimin" tha Rama.

Lajmi kryesor:

Shqipëria në karantinë/ Rama për ReportTv: Të enjten fatura e parë financiare për koronavirusin, mbështetje biznesit nga buxheti (VIDEO)

/r.k./Shqiptarja.com

TAG:
• edi rama
• koronavirusi ne shqiperi