POP 5

Lajmet më të lexuara të 5 minutave të fundit

Kronikë

Abuzimi me metadonin, mjekët dhe përdoruesit e shesin në rrugë për 1000-2000 lekë

Pika e shpërndarjes së metadonit, që është alternativë për t’u larguar nga droga, abuzon me dhënien e tij. Në qendrat ditore të rehabilitimit të përdoruesve të drogës, metadoni merret lehtësisht e më pas shitet në rrugë për 1000 apo 2000 lekë. Fiksi bleu disa ditë me radhë metadon në këtë pikë.

Abuzimi me metadonin, mjekët dhe përdoruesit e shesin në rrugë për 1000-2000 lekë

Foto ilustruese

Emisioni “Fiks Fare” solli mbrëmjen e sotme abuzimet që bëhen në dhënien e metadonit në Durrës.

Pika e shpërndarjes së këtij ilaçi, që është alternativë për t’u larguar nga droga, abuzon me dhënien e tij. Në qendrat ditore të rehabilitimit të përdoruesve të drogës, metadoni merret lehtësisht e më pas shitet në rrugë për 1000 apo 2000 lekë. Fiksi bleu disa ditë me radhë metadon në këtë pikë.

Por përtej çështjes së parave rreziku që vjen nga keqpërdorimi apo mbidoza e metadonit çon deri në vdekje.

Bashkëpunëtorët sollën biseda me mjeken që shpërndan metadonin në prezencë të së cilës përdoruesi duhet ta konsumojë, por kjo gjë jo vetëm që nuk ndodh, por në një bidon plastik, mjekja kundrejt parave të hedh metadon, pa e ditur kush do e konsumojë dhe në çfarë sasie do e konsumojë.

Personi që bëri lidhjen mes bashkëpunëtores dhe mjekes ishte roja i parkingut të spitalit, i cili të orienton edhe për pagesën që duhet të kryhet.

Në të trija rastet e shitjes, mjekja ishte e bindur se kjo gjë nuk ishte e lejuar, por vazhdonte e shiste.

Solli biseda me përdoruesit e metadonit emri i të cilëve është në listat e personave që e marrin pa para dhe janë në terapi. Por edhe këta pasi e marrin metadonin në bidon plastik dhe nuk e konsumojnë në sy të mjekes, pak metra më tutje e shesin.

Bashkëpunëtorja i bleu njërit prej tyre, i cili i tregoi se kishte në shtëpi doza për 5 ditë, por sërish atë dite kishte marrë  dhe për 2 ditë të tjera.

Madje përdoruesi tregon se ka shumë abuzime në pikën e shpërndarjes. Disa persona tregon ai marrin shumë dhe e shesin, duke u justifikuar se e derdhën apo humbën.

Pra edhe pse është një medikament i fortë ku edhe ndaj tij shfaq varësi, prandaj duhet të merret i kontrolluar, askush nuk i kontrollon  këta përdorues se ku e çojnë metadonin. Kështu mund të rrezikojnë që në vend që të largohen nga heroina mund të shkojnë drejt vdekjes me mbidozë. Por si çdo gjë edhe ‘jeta e njeriut’ është kthyer në biznes në kohët që jetojmë./TCH

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Gjermania do të ridislokojë sistemet e mbrojtjes ajrore Patriot në Poloni

Gjermania do të ridislokojë sistemet e mbrojtjes ajrore Patriot në Poloni

29 Nëntor, 16:22