Agron Shehaj: PD duhet të ndryshojë sot që të mos humbasë përsëri në 2025! Rama i korruptuar dhe antidemokratik, përballë tij duhet një politikan ndryshe

Kandidati për kryetar të PD Agron Shehaj ka dalë në një konferencë për shtyp pas konfirmimit të kandidaturës nga kryesia e PD. Ai thotë se PD duhet të ndryshojë sot që të mos humbasë në zgjedhjet e ardhshme parlamentare.

"Kandidimi im sështë një përpjekje për të marrë një post por fillimi i ndryshimit të PD. Pd duhet të ndryshojë sot që të jetë e mundur të ndryshojë shqipërinë nesër. Nuk do zgjidhet vetëm kryetari i ri por do të vendosin nëse duan të fitojnë ose humbasin prapë në zgjedhjet e ardhshme parlamentare. Në 13 qershor anëtarët e PD-së nuk do të zgjedhin thjesht kryetarin e ri, por do të vendosin nëse do të fitojnë apo të humbasin prapë në 2025. Unë kam ndershmërinë, përvojën dhe aftësinë për ta çuar PD-në në rrugën e fitores. Edi Rama është i korruptuar dhe antidemokratik. Për të mundur regjimin e tij, PD dhe Shqipëria kanë nevojë për një politikan ndryshe nga ai. Partia jonë ka nevojë për reformë të thellë dhe të menjëhershme. Të qenurit kryetar i Pd, duhet të jetë përgjegjësi dhe jo vetëm privilegj", tha Shehaj.

Lajmi kryesor:

Kandidati për kreun e PD, Shehaj: Përballë Ramës duhet një lider i pakorruptuar! Basha s'e çon dot PD në fitore! S’ka bashkëqeverisje me PS

/r.k./Shqiptarja.com

TAG:
• lulzim basha
• agron shehaj
• zgjedhjet ne pd
• Lufta brenda PD