Ahmetaj: Javën e ardhshme shpallet gara për 3400 shtëpitë që do të ndërtohen! 4000 familje në banesa të reja para 2021

Ministri i Rindërtimit Arben Ahmetaj tha se javën që vjen shpallet gara ndërkombëtare nga Bashkia e Tiranës dhe Fondi Shqiptar i Zhvillimit për ndërtimin e 3400 shtëpive. Ai tha se banesat e reja individuale do të ndërtohen sipas modelit të prenzatuar ndërsa shtoi se 4000 familje do të presin vitin e ri në shtëpi të reja.

"Fondet e mbetura do të rikthehen në fondin për rindërtim. Informoj se javën që vjen shpallet gara ndërkombëtarë nga Bashkia e Tiranës dhe FSHZH për 3400 shtëpitë që do të ndërtohen. Të dhëna do t'i gjeni në faqen e rindërtimit. Ndaj me qytetarët që vlerësimi i thelluar vazhdon. Instituti i Rindërtimit e përfundon procesin në 30 Mars. Në terren bashkitë në zonën e dëmtuar nga tërmeti, kanë filluar vlerësimin e dosjeve të dala nga platforma e aplikimit. Banesat individuale do të ndërtohen sipas modelit të prezantuar këto ditë me teknologji modulare, rezistent ndaj tërmeteve deri në 9 ballë dhe koha e shkurtër e ndërtimit rreth 30 ditë. Jemi angazhuar që rreth 4000 familje do presin vitin e ri 2021 në shtëpi të reja", tha Ahmetaj.

Lajmi kryesor:

Qeveria nis rindërtimin pa donacionet e huaja! Miraton fondin 8.7 mld lekë! Ahmetaj: Gati ndërtimi i 3400 shtëpive individuale!

/r.k./Shqiptarja.com

TAG:
• arben ahmetaj
• rindertimi