Pushimet kthehen në tragjedi për familjen sllovake, humbin vajzën 8 vjeçe në aksident tek Gjiri i Lalzit! arrestohet shoferi 18 vjeçar

Durres- Policia e Durrësit ka prangosur 18-vjeçarin Genci Gjura, i cili duke drejtuar makinen përplasi për vdekjen vogëlushen polake në rrugën e Gjirit të Lalzit.

Aksidenti fatal u shënua mbremjen e se dieles, 7 korrik  teksa paraprakisht dyshohet se shkaqet janë dy; Ndërprerja e rrugës nga 8-vjeçarja dhe shpejtësia mbi normën e drejtuesit të mjetit.

Aksidenti u shënua në segmentin rrugor Maminas-Gjiri i Lalëzit. Vajza e mitur e cila ndodhej me familjen me pushime në Shqipëri, po kalonte nga një krah i rrugës në tjerin për të arritur prindërit në kryqëzimin e resortit turistik Lura kur ndodhi përplasja fatale.

Vajza kishte shkuar për të blerë në market dhe ka tentuar të kalojë rrugën kur është përplasur fatalisht nga automjeti I drejtuar nga 18-vjecari.

8-vjeçarja u dërgua në spital në Tiranë por nuk arriti që t’i mbijetojë plagëve të marra. Ndaj 18-vjeçarit që sapo kishte marrë patentën i janë vënë prangat në flagrancë dhe ndaj tij është ngritur akuza ‘Shkelje e rregullave të qarkullimit rrugor”.

"Sektori i Qarkullimit Rrugor arrestoi në flagrancë, për veprën penale “Shkelja e rregullave të qarkullimit rrugor”, shtetasin G. Gj., 18 vjeç, banues në Tiranë, pasi mbrëmjen e djeshme, në  segmentin rrugor “Maminas - Gjiri i Lalzit”, duke drejtuar automjetin, ka aksidentuar shtetasen S. S., 8 vjeçe, banuese në Sllovaki, e cila humbi jetën në spital" informoi sot policia e Durrësit. 

S.G/Shqiptarja.com

TAG:
• Aksidenti
• Durres
• gjiri i lalezit
• Genci Gjura