POP 5

Lajmet më të lexuara të 5 minutave të fundit

Politikë

Një orë në seli me Kryemadhin, Basha: Do ndjekim paratë e shqiptarëve, do të ketë protesta të fuqishme (VIDEO)

Lideri i Partisë Demokratike një orë takim në selinë blu me kryetaren e LSI-së, Monika Kryemadhi. Flitet për protestat por nuk jepen detaje. Basha: Do të jenë më të fuqishme. Basha risjelll në vëmendjen akuza të vjetra ndaj qeverisë:  Dy koncesionet e hajdutërisë të ashtuquajtura PPP, Milot-Balldre dhe Vlorë-Orikum, janë vjedhje e pastër e buxhetit të shtetit. Zotimi ynë është anulimi i çdo pseudo PPP-je. Shqiptarëve nuk do t’ia marrin këto para.

TIRANË- Kjo e mërkurë ka nisur me një takim përreth një orë në selinë blu, të liderit demokrat Lulzim Basha dhe kryetares së Lëvizjes Socialiste për Integrim, Monika Kryemadhi, një takim mes dy liderëtë të opozitës të bashkuar jo parlamentare që paraprin atë që Basha do të mbajë të enjten me aleatët e partisë.

Këto janë përgatitjet e opozitës për valën e re të protestave antiqeveritare që ka paralajmëruar edhe më herët të nisë në shtator. Por nuk kanë nxjerrë një datë se kur do të nisin këto protesta.

"Lajme të reja mos prisni", tha lideri demokrat në një prononcim për mediat pas takimit me Kryemadhin. "Protesta ka pasur, do të ketë dhe do të jenë gjithmonë e më të fuqishme", shtoi kryedemokrati.

Edhe kryetarja e LSI-së, Monika Kryemadhi nuk dha detaje se si do të jetë plani anti-qeveritar i opozitës për rrëzimin e kryeministrit Edi Rama.

"Aksioni i opozitës do të vazhdojë, i drejtpërdrejtë, i mirëfilltë siç ka qenë, të zgjojmë çdo qelizë të shqiptarëve. Votimet e 30 qershorit treguan se 85% e shqiptarëve nuk e duan Ramës, urrejtja që bëjnë shqiptarët çdo ditë kur nuk kanë ujë në çezmë, kjo është protestë, shqiptarët protestojnë çdo ditë", tha Kryemadhi.

Çka kryetari i Partisë Demokratike risolli në vëmendjen, ishin akuzat e vjetra të opozitës për koncensionet përmes partneritetit privat-publik njohur si PPP për ndërtimin e dy rrugëve të denoncuara edhe më herët nga opozita:  Atë Milot-Balldren dhe Vlorë-Orikum. Njëjtë siç ka deklaruar edhe më herët, Basha tha se do t'i anulojë këto koncensione dhe do t'i kthejë paratë shqiptarëve.

"Ka disa çështje të mprehta që dua t’i sjell në vëmendjen tuaj. Skandali që ka plasur me dy koncesionet e hajdutërisë të ashtuquajtura PPP të Milot – Balldre dhe Vlorë – Orikum, kërkon vëmendjen maksimale të mundshme edhe nga ju si gazetarë. Bëhet fjalë për një aferë të tmerrshme korruptive. Tek Milot – Balldre duan të bëjnë shqiptarët të paguajnë një çmim deri në 5 herë më të lartë se çmimi real. Të vjedhin me një të rënë të lapsit, me një firmë, 200 milionë euro nga taksapaguesit shqiptarë. Një shumë jo e vogël planifikohet të vidhet me Vlorë – Orikum. Ka një analizë të plotë të dëmit ekonomik që i sjell buxhetit të shtetit, pra, parave të shqiptarëve dhe në momentin që është bërë kjo analizë, siç e keni e parë është përshpejtuar procesi i rrëzimit të dekreteve të Presidentit Meta dhe futja e përshpejtuar e këtyre dy koncesione për t’i rimiratuar në atë që tashmë është fare e qartë, noteri i hajdutërisë, Landfilli i Republikës. Ky nuk heq dorë nga grabitja dhe vjedhja, nuk ka plan tjetër, as ky njeri, as kupola e tij, përveç vjedhjes dhe grabitjes së shqiptarëve. S’ka asnjë politikë, nuk ofron asgjë tjetër përveçse të vjedhë sa të mundet, deri në çastin e fundit që është aty. 

E dyta, që është fare e qartë, është se kjo ndërtesa që ndodhet prapa selisë tonë, që duhet të ishte vendi ku kontrollohet, frenohet dhe kufizohet pushteti, është kthyer në një noter të hajdutërisë. Kësaj shqiptarët i thonë me një metaforë “vjedhje me ligj”, ligji po bëhet për të vjedhur, po bëhet që ata që kanë firmosur këtë vjedhje të mos shkojnë para drejtësisë, të mos shkojnë në burg. Siç do të shkonin në çdo vend tjetër normal. Kjo vërteton atë që kemi thënë prej kohësh që me Edi Ramën nuk ka dhe nuk do të ketë as zhvillim, as mirëqenie, as punësim, por do të ketë vetëm vjedhje dhe grabitje.

Ndaj sa më shpejt ta largojmë këtë qeveri dhe këtë kryeministër hajdut, që përdor atë që duhet të ishte institucioni kryesor i përfaqësimit të njerëzve thjesht si një noter i hajdutërie, aq më mirë do të jetë për njerëzit, aq më shpejt mund t’i kthejmë këto para në investime që hapin vende pune, që ndihmojnë të varfrit, të pamundurit dhe që nxjerrin vendin nga kriza e thellë ekonomike që ka pllakosur vetëm dhe vetëm për shkak të grabitjes dhe vjedhjes nga kjo qeveri. Ky është një nga shqetësimet kryesore të kësaj jave. Natyrisht nuk është asgjë e re por jemi të vendosur ta denoncojmë deri në fund këtë aferë. Sikundër të mbajmë shënim këdo që bëhet pjesë e kësaj skeme pandëshkueshmërie dhe vjedhje, qofshin këta pseudodeputetë, qofshin prokurorë apo punonjës të drejtësisë. Një gjë është e sigurt, nuk kanë për t’i marrë dot këto para të shqiptarëve, nuk kanë për t’i gëzuar dot qindra milionë vjedhje. Sepse një nga zotimet kryesore të opozitës, të Partisë Demokratike dhe të miat personalisht është anulimi i çdo pseudo PPP-je dhe koncesioni korruptiv, ndjekja e parave të shqiptarëve kudo ku ti kenë marrë dhe kudo ku ti kenë çuar, qofshin oligarkët që kanë përfituar këto PPP, qofshin politikanë të korruptuar që ia kanë dhënë, konfiskimin i tyre dhe rikthimi i tyre tek qytetarët shqiptarë", tha Basha.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • svtudsryt: 05/09/2019 10:04

    Si mundet shqiptaret te udhehiqen nga 2 jevgj

    Përgjigju
  • Venera: 04/09/2019 19:33

    Z.basha po ti je NJE KRIMINEL GJAKFTOHTE,, KE VRARE 4 VETA NE BULEVARD ,PER KETE KRIM DUHEJ TE ISHE NE BURG TANI,,,SHPEJT DO JAPESH LLOGARI PER KETE KRIM BASHKE ME SALIUN DHE METEN...POPULLI NUK HARRON...

    Përgjigju
  • Likja: 04/09/2019 16:53

    Prandaj ky vend ka arrit ketu ku jemi sot....sepse qeverisemi nga luli,mona,likja,sala,dhe edvini i vogel i nanes!!!!!!!!!

    Përgjigju
  • Tosi: 04/09/2019 15:28

    Me cilët do besh po*esta me shpellaret e Unazës së madhe apo me lristat e haremin veror të Jales së oficeri nazist i kapur rob në betejën e Stalingradit Xhelal Mendjeziu nuk mund të sjellë me puntorët e pastrim gjelberimit të Kamzës, se tani ai shkon nëpër dasma me daulle, Voltana Serbja nazistja që dogji shkollën në Shkodër veprim që se kane bere as nazistët në Shqipëri, në dajre dhe Cakja i kavajës me klarinetë....

    Përgjigju
  • Populli: 04/09/2019 14:18

    Shkoni tju besojne ata qe sju njohin

    Përgjigju
  • Frische Wind ...: 04/09/2019 13:48

    tE DY KTO DELIQUENTE QE KANE NJI NIVEL NEN MESATAREN PER NJI QYTETARE TE VERTETE NUK I LIDH ASGJE ME POLITIKEN E ASPAK ME KULTUREN POLITIKE : KTA JANE SOT NE RRUGE NE ATE ROL OPOZITARESH TE ZHVLERESUAR NGA GJITHCKA THJESHTE PER TE LEHUR ANES KAZANEVE E BER ZHURM NE OPINION -NE SHERBIM TE PADRONEVE TE TYRE DUKE MEDUAR SE DO T'I SHPETOJNE DREJTESISE DHE E CILA DO ISHTE E PAMUNDUR -PA NDIHME E TE FORTEVE (Atyre qe i instaluan dikur ne fillimet e Demokracise ne Politike dhe ato Poste te Larta) Nqs Te Fortet medojne vertete ,ashtu si ata shprehen ne Deklaratat e tyre nde Medie ateher asnji shqiptar sduhet te jet SKEPTIK ne ate [Frische Wind]qe pretedohet te vij ne Shqiperi

    Përgjigju
  • Lushi: 04/09/2019 12:13

    Do perfundosh si gedafi dhe Sadami o Saliiiiiiiii... Veri gishtin kokes e bindju atyre qe te kane bere koken...Leredhe dhe lushin e shkrete te bej perkthyesin se e bone legen fare po e perdor si leter higjenike..

    Përgjigju
  • anna: 04/09/2019 12:11

    HAJDE SUDE HAJDE

    Përgjigju
  • Daja: 04/09/2019 11:57

    Keto te dy cdo gje e kane te lidhur me parate,tani do ndjekin parate e shqiptareve se te tyret i kane jashte Shtetit!!!!!!!!

    Përgjigju
  • Vlora: 04/09/2019 11:36

    Hajde na zgjo ti qelizat perendesha e tualeteve. Pse nuk del nje xhiro me MORTJEN atqq

    Përgjigju
  • Mire: 04/09/2019 11:33

    Te ka ren menja fort per popullin moj zonje po meqe keshtu pse te duhen 12banja te gjiri lalexit pse mos u tsll me popullin po xhfuku fsmilerisht

    Përgjigju
  • BRSS: 04/09/2019 10:48

    NJERI HAJDUT TJETRA BAXHELL DUAN PATJETER PUSHTET SE JA KAN NDIER LEZETIN ME TU PASURUAR TE DY NJERZ TE PESHTIR NJERZ PA KARAKTER E MORAL DHE ME E BUKURA I BEJN MORAL POPULLIT KETA LITARIN E KAN PAK

    Përgjigju
  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Cilat janë pengesat për arritjen e armëpushimit mes Izraelit dhe Hezbollahut?

Cilat janë pengesat për arritjen e armëpushimit mes Izraelit dhe Hezbollahut?

25 Nëntor, 22:54