POP 5

Lajmet më të lexuara të 5 minutave të fundit

Politikë

Akuzat e opozitës për aksin Thumanë-Kashar/Spiropali:Deklaratat e PD-së qesharake, projektet e PPP-së nuk janë krime

Të pavërteta dhe qesharake i konsideroi Ministrja e Shtetit për Parlamentin, Elisa Spiropali deklaratat e opozitës për aksin Thumanë-Kashar, ku tha se fondi prej 225 milionë euro i projektit të parashikuar për rrugën do të kalojë në funksion të univerisiteteve, për arsimin.

Ministrja e re e Shtetit për Parlamentin Elisa Spiropali doli këtë të martë në një konferencë për mediat ku foli për rritjen e vëmendjes së qeverisë ndaj konsultimeve publike, ndërsa i konsideroi qesharake deklaratat e bëra një ditë më parë nga deputetja e PD-së, Albana Vokshi për anulimin e PPP-së për aksin e rrugës Thumanë-Kashar.

Duke e cilësuar qëndrimin e opozitës të gabuar, ministrja Spiropali tha se ndjen keqardhje për këtë akt të ulët të politikës e cila kërkon të deformojë të vertëtat në të pavërteta, duke thënë se qeveria u tall me studentët kur deklaroi se fondi i financimit të rrugës do të kalonte për universitet.

 Ndjej keqardhje për reagimin e një niveli të ulët të opozitës ndaj ministres Balluku. Është për të qeshur dhe për qarë.U thanë gjatë ditës së djeshme shumë të pavërteta dhe madje u ekspozua dhe një tabelë ku u dëshmua se në buxhetin e 2019 nuk ka fonde për këtë aks. Keqardhje për këtë akt të ulët të politikës, për një deformim të  qëllimshëm dhe  të pavërteta që hidhen për konsum në opinionin pulbik. Projektet  e PPP-së nuk janë krime. Rruga e Arbrit figuronte si rrugë që nuk ka buxhet, ndërkohë deri sot Rruga e Arbrit është ndërtuar me fonde të kompanisë, dhe  këtë vit do nis të kontribuojë qeveria. Rruga e arbrit duhet të jetë gati për 3 vitet e ardhshme,  por ne do ta relizojmë brenda afatit kalenderik  nga viti i fillimit të punimeve. Ky është mekanizmi i PPS-së. Në tre vjet punime me Partneritetin Publik Privat punimet për rrugën e Arbrit do të  përfundojnë së shpejti . Nga dje proceduara e PPP-së  për aksin Thumanë –Kashar është anuluar dhe hapësira financiare do t’i kalojë  kampusit universitar për studentët. Procedura Thumanë-Kashar ishte në fazën finale dhe do niste puna e subjektit privat. Në themi atë që bëjmë dhe bëjmë atë që them. Kjo qeveri është fryt i protestës së studentëve prandaj do të bëj më shumë për studentët .

Elisa Spiropali, Ministrja e Shtetit për Parlamentin 

Më tej, Ministrja Spiropali sqaroi se edhe rrugët e tjera që ndërtohen me Partneritet Publik Privat nuk reflektohen në buxhet pasi janë kompanitë që paguajnë shpenzimet për punimet që kryejnë gjatë vitit të parë. Një ditë më parë, deputeja Albana Vokshi në një dalje për mediat akuzoi qeverinë se ka mashtruar studentë kur tha se buxheti prej 225 milionë euro i parashikuar për ndërtimin e rrugës Thumanë-Kashar do të anulohet dhe vihet në funksion të univeristeve dhe arsimit të lartë. Ministrja e Infrastrukturës dhe Energjisë, Belinda Balluku njoftoi të hënën se qeveria do të tërhiqet nga partneriteti publik privat për ndërtimin e aksit rrugor Thumanë-Kashar, dhe se ky fond financiar do të kalojë tanimë në funksion të  "Paktit për Universitet" për studentët. (Lexo ketu)

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça