Gjykata Kushtetuese “ndez” debatin, Rama: Djepi më mirë të jetë bosh! Basha: I duhet kryeshejtanit për aferën e Teatrit

Tiranë- Përfundimi i sesionit parlamentar ditën e djeshme, ka ndezur një tjetër debat politik, atë të kolapsit në sistemin e drejtësisë. Gjykata Kushtetuese është jofunksionale, dhe opozita s’ka humbur kohë. Që ditën e djeshme, PD dhe LSI kanë akuzuar Kryeministrin Edi Rama se do të kapë drejtësinë, dhe të emërojë vetë magjistratët.

Kryeministri Edi Rama iu është përgjigjur akuzave të Partisë Demokratike dhe Lëvizjes Socialiste për Integrim se Reforma në Drejtësi ka sjellë një kolaps në sistem. Në një reagim në rrjetet sociale, Rama thotë se sistemi i drejtësisë po pastrohet dhe se është më mirë që ky sistem të zbrazet sesa të jetë i përbërë nga gjyqtarë e prokurorë të korruptuar.

Po mbetemi pa gjykata të sipërme?Jo! Po operojmë organizma të kancerizuar që e degraduan deri në kockë drejtësinë. Më mirë djepi bosh se shejtani brenda! Ky pastrim është shpëtim për dekada e breza që vijnë,rilindja e këtyre gjykatave është vetëm çështje e më pak se një viti.

LEXO EDHE:
'I kanë bërë vendit krimet më të mëdha’, Yzeiri: Meta e Berisha sulmojnë SPAK s’e s’janë ndëshkuar! Rama me diasporën? S’mund t’i përdorim si spektatorë futbolli

Edi Rama, kryeministër

Përgjigjen ia ka kthyer pak minuta më vonë kreu i PD-së, Lulzim Basha, që në një reagim në Facebook, thotë se djepi bosh i Gjykatës Kushtetuese i shërben Ramës për të fshehur sipas tij aferën me Teatrin Kombëtar.

Djepi bosh i Gjykatës Kushtetuese i duhet kryeshejtanit për të mbrojtur mega aferën 200 milionë Euro me grabitjen e Teatrit Kombëtar. 
Ndërsa shejtanët në djepin e Prokurorisë ju duhen për të mbrojtur lidhjet me krimin dhe aferat korruptive, nga Tahiri te Xhafaj, nga Dako te Veliaj, nga Gjiknuri te Ahmetaj, nga Sejdini te Roshi me shokë.

Lulzim Basha, kryetar i PD-së

TAG:
• gjykata kushtetuese
• edi rama
• lulzim basha
• vettingu

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  91.6%

• Jo

  4.9%

• Nuk e di

  3.5%

Vota total: 1327

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di