X

POP 5

Lajmet më të lexuara të 5 minutave të fundit

Kronikë

Akuzat e PD-së për punësime elektorale në bashkinë e Vaut të Dejës gjatë fushatës, gjykata e Apelit në Shkodër detyron prokurorinë të nisë hetimet

Në vendimin e Gjykatës së Apelit kjo e fundit detyron Prokurorinë që të nisë hetime dhe të thërrasë në organin e akuzës personat përgjegjës dhe Kryetarin e Bashkisë Vau Dejës si autorë të punësimeve elektorale. Ka qenë përfaqësuesi ligjore i PD Marash Logu i cili në një prononcim për mediat ka zbardhur vendin e Gjykatës së Apelit.

SHKODËR-Gjykata e Apelit të Shkodrës ka urdhëruar Prokurorinë që të nisë hetimet për akuzat e Partisë Demokratike, dega Vau i Dejës, të ngritura në prokurori për punësimet masive gjatë fushatës elektorale në territorin e Bashkisë Vau Dejës.

Në vendimin e Gjykatës së Apelit kjo e fundit detyron Prokurorinë që të nisë hetime dhe të thërrasë në organin e akuzës personat përgjegjës dhe Kryetarin e Bashkisë Vau Dejës si autorë të punësimeve elektorale. Ka qenë përfaqësuesi ligjore i PD Marash Logu i cili në një prononcim për mediat ka zbardhur vendin e Gjykatës së Apelit. Nga ana tjetër Logu ka zbuluar edhe prova konkrete që implikojnë administratën e Bashkisë Vau Dejës në këto punësime masive për fushatën elektorale të 25 Prillit.

‘Prej dy vitesh PD dega Vau i dejës ka depozituar dhjetëra kallëzime penale pranë prokurorisë së rrethit gjyqësor Shkodër dhe SPAK, për të gjitha shkeljet që janë kryer nga bashkia e Vaut të Dejës. Këto shkelje dhe abuzime janë intensifikuar veçanërisht në fushatën zgjedhore të 25 prillit, ku punësimet masive në administratë, bursat, ndihma ekonomike, leje, licenca u përdorën të gjitha në funksion të partisë në pushtet. Kemi pritur që prokuroria t’i hetojë dhe sjellë para përgjegjësisë penale, por prokuroria e Rrethit gjyqësor në Shkodër ka vepruar si një mburojë, e paligjshmërive dhe shkeljeve që janë kryer nga ana e administratës së bashkisë së Vaut të Dejës. Gjykata e Apelit vendosi të urdhërojë prokurorinë që të kryejë hetime, të thërrasë personat përgjegjës, përfshirë edhe kryetarin e bashkisë, dhe të administrojë dokumentacionin përkatës, të cilat provojnë qartë se në zgjedhjet e 25 prillit u përdorën punësimet masive, bursat e studentëve, fondet publike për të ndikuar në rezultatin e zgjedhjeve dhe për të sjellë fitoren e PS-së në këtë bashki.’- tha Logu.

Logu ndër të tjera deklaroi se këto prova janë vetëm maja e ajsbergut e abuzimeve dhe masakrës elektorale që ka bërë partia në pushtet, por deklaroi se këto prova tashmë janë depozituara në organet e drejtësisë.

 

 

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

SHBA paketë e re ndihme afatgjatë për Ukrainën, 1 miliardë vetëm për mbrojtjen ajrore dhe artilerinë

SHBA paketë e re ndihme afatgjatë për Ukrainën, 1 miliardë vetëm për mbrojtjen ajrore dhe artilerinë

26 Prill, 19:43