Bashkia e Durrësit ka reaguar pas akuzave të ngritura nga kryetari i PD-së në Durrës, Ferdinand Xhaferaj lidhur me një pallat të dëmtuar nga tërmeti.
Sipas bashkisë, akt-konstatimi i pallatit në fjale është hartuar me 12 dhjetor 2019 nga ekspertë nga qyteti i Elbasanit.
"Bashkia e Durrësit nuk i ndan qytetarët në të majtë apo të djathtë por i shikon ata të gjithë njësoj përballë kësaj fatkeqësie që na ka goditur dhe kjo bashki ka punuar, punon dhe do të vijojë të punojë në maksimum në shërbim të të gjithë qytetarëve pa asnjë dallim për riparimin dhe rindërtimin e banesave të tyre dhe rikthimin e qytetit në normalitet", shkruan Bashkia.
Gjithashtu në deklaratë shkruhet se Xhaferri dhe opozita shpifin përditë dhe bëjnë politikë edhe duke përdorur një fatkeqësi siç ishte tërmeti.
Deklarata e plotë:
Kryetari i PD-së së Durrësit Ferdinand Xhaferri ka vijuar me baltën e rradhës në deklaratat e tij publike. Në shpifjet e tij që tashmë janë rutinë Xhaferri ka deklaruar se një pallat në lagjen 1 është klasifikuar DS3 në mënyrë korruptive, sepse te ky pallat sipas tij nuk ka dëme.
Xhaferri dhe opozita që shpifin përditë nuk kanë asnjë lloj përgjegjësie ndaj qytetarëve të Durrësit ndaj kjo i jep atyre mundësinë të hedhin baltë sa të munden dhe të bëjnë politikë edhe duke përdorur një fatkeqësi siç ishte tërmeti.
Janë institucionet e shtetit ato që kanë përgjegjësi ndaj qytetarëve ndaj edhe Bashkia e Durrësit kërkon të sqarojë opinionin publik se:
-Akti i konstatimit të dëmeve të këtij pallati është hartuar në 12 dhjetor 2019, në një kohë kur gjithçka ishte fokusuar tek evidentimi i dëmeve ndërsa vendimmarrja për grantet është vendosur në vitin 2020.
-Ky akt konstatimi është hartuar nga ekspertë të ardhur nga qyteti i Elbasanit, dihet që në Durrës në periudhën pas tërmetit erdhën ekspertë nga gjithë Shqipëria si dhe ekspertë ndërkombëtarë që kanë kryer një punë voluminoze dhe shumë serioze. Ekspertët nga Elbasani sigurisht nuk i njihnin banorët e këtij pallati apo edhe të pallateve të tjera që kanë kryer ekspertiza. Në 12 dhjetor i gjithë shteti ishte në punë për evidentimin e dëmeve dhe sistemimin e banorëve ndërkohë që vendimet për grantet do të merreshin më vonë.
-Në aktin e konstatimit pallati është klasifikuar me shkallë dëmi DS3 dhe në këtë akt konstatimi ekspertët shkruajnë se në këtë pallat ka çarje të kolonave dhe lidhjeve të kolonave me kornizën bazë si dhe në lidhjet e mureve të bashkuar. Po kështu ekspertët që janë inxhinierë kanë konstatuar edhe shufra të dala jashtë kolonave. Këto dëme janë konstatuar edhe nga inxhinierët qipriotë që kanë shkuar për të parë të njëjtin pallat. Ekspertët i kanë dokumentuar dëmet me shkrim dhe me foto dhe kanë firmosur një akt ekspertimi i cili është i vlefshëm për godinën. Le ti hedhë “inxhinier” Xhaferri një sy fotove të akt konstatimit se ndoshta edhe kupton ndonjë gjë për shkallën e vërtetë të dëmtimit të këtij pallati.
Bashkia e Durrësit nuk i ndan qytetarët në të majtë apo të djathtë por i shikon ata të gjithë njësoj përballë kësaj fatkeqësie që na ka goditur dhe kjo bashki ka punuar, punon dhe do të vijojë të punojë në maksimum në shërbim të të gjithë qytetarëve pa asnjë dallim për riparimin dhe rindërtimin e banesave të tyre dhe rikthimin e qytetit në normalitet.
Komente
Lajme të tjera
-
Sherr te Siguria, Xhaferraj sulmon Vengun: Një ministër kalama bën ironi, je për SPAK! Kapet dhe me Naçon: Prokurori i komunizmit më përmend Traktatin e Varshavës
11 Nëntor, 15:02 -
VanHorn takohet me Naçon dhe Xhaferaj, në fokus gatishmëria ushtarake dhe siguria në Ballkanin Perëndimor
8 Nëntor, 16:49 -
Pr.ligji i policisë së Shtetit, diskutim me debat te ‘Siguria’! Balla: Përmirëson organizimin e policisë! Metaliaj: Siguria në nivel 0! Ministri: Mos hidhni baltë
19 Korrik, 09:29
-
Miratohet në Komisionin e Ligjeve dekreti i presidentit Begaj për kthimin e ligjit 'Për Shtetësinë', të enjten rivotohet në seancën plenare
2 Prill, 13:54 -
Mozaiku i rrallë te ‘Gjergj Kastrioti’, tenderi hap debate: Pse e zhvillon Bashkia Durrës?! Instituti i Trashëgimisë: Është financuesi, projektin e kriteret i vendosim ne!
26 Shkurt, 19:09
-
4 muaj kaos, ‘amnistia’ bën bashkë socialistë e demokratë! Xhaferaj e Kryemadhi në mbledhje online, me draft për amnistinë
23 Janar, 15:05
-
Tymi i Rithemelimit, Xhaferaj: E vetmja zgjedhje, mazhoranca s'ka shpëtim nga ngritja e komisioneve hetimore! Klosi: Shkruajini korrekt dy letra dhe u pranohen
4 Dhjetor 2023, 21:22 -
E rindërtuar mbi rrënojat e tërmetit të 2019, kjo është bashkia e 're' e Kurbinit (Foto)
29 Nëntor 2023, 19:30 -
Arrestohet Vangjush Dako, akuzohet për leje ndërtimi për pallatin e dëmtuar dhe tenderin e shëtitores! SPAK urdhër arrest dhe për 8 ish-zyrtarë e 1 ndërtues
6 Qershor 2023, 17:10 -
PD pa kryetar, deputeti Xhaferaj: Berisha të tërhiqet, jo të largohet! Vangjeli: Bëri Rithemelim por la në ngrirje ofertën qeverisëse
22 Maj 2023, 14:47 -
Bardhi kreu grupit parlamentar, Xhaferraj në Report Tv: Zhvillimet te PD që përfaqësojnë 10 % të elektoratit s’kanë rëndësi! Berisha të tërhiqet që palët të bashkohen
19 Maj 2023, 13:55 -
Deputeti i PD-së mungon në takimin e Berishës në Durrës! Kreu i Rithemelimit: Në 14 maj, fundi i mafias që ka pushtuar qytetin
10 Maj 2023, 20:49
Ato ndahen vetem ne qytetare me leke dhe pa leke
Përgjigju