Qëndrueshmëria ndaj një lideri është një histori e hershme që kur kanë lindur format e para të lidershipit! Megjithatë, ka disa shembuj nga historia e lidershipit të tranzicionit tonë e nuk kemi pse të shkojmë larg!
Bashkëpuntorët i qëndruan besnik Nanos edhe kur ky i fundit i arrestuar dhe i denua! Aq e madhe ishte besnikëria ndaj tij, sa priten derisa doli nga burgu e mbështetjen në ringritjen e tij derisa e sollën në pushtet!
Pyetja është se: ishin besnik ndaj pafajësisë së tij apo besonin tek forca e lidershipit të tij, sepse ishte vetëm ai që mund t'i sillte në pushtet? Mendoj, se një rreth i ngushtë i tyre besonin në pafajsinë e Nanos dhe kishin lidhje të forta "afektive" me të në planin njerëzor dhe jo vetëm në këndvështrimin politik! Megjithatë, një pjesë që përbënin shumicën besoj se e ndiqnin Nanon, sepse ishin të vetëdijshëm se më të mirë se ai nuk kishin!
E njëjta histori po ndodh edhe ndaj Doktorit! I cili mori vrullin për t'u ribërë kryetar i PD! Ata që besonin tek ai dhe kishin edhe lidhje "afektive" me të e ndoqën menjëherë pa vënë në dyshim se në krah të kujt duhet të ishin! Pastaj, situatat e Doktorit u rënduan nga shpallja "Non grata" dhe përsëri ata e ndoqën! A e ndoqën se besonin në pafajësinë e tij apo sepse sipas tyre më të mirë se ai nuk kishin? Kjo është për t'u parë! Situata e Doktorit u bë edhe më e rënduar me ndalimin e tij dhe me vendosjen në arrest shtëpie! Përsëri ndjekësit e tij i qëndruan besnik duke mos vënë për asnjë sekondë në dyshim lidershipin e tij!
Edhe sot, pavarësisht se si është situata e Doktorit, ata besojnë tek ai se mund t'i sjellë në pushtet! Disa ndoshta edhe më të drejtë besojnë në pafajsinë e tij duke e cilësuar të denuar politik!
Po më Bashën? Me të marr vendimin e tij ndaj Doktorit, menjëherë fillojë procesi i largimeve të para! Ata që besonin dhe kishin lidhje "afektive" vetëm me Doktorin i larguan menjëherë! Basha me të marrë nismën e tij për t'u zgjedhur në krye të PD, ndodhi rrjedhja e dytë e pikërisht e atyre që ishin thuajse investim politik i tij!
Gjykata mori vendimin duke i dhënë vulën e PD Doktorit! Ajo që nuk pritej, ata që kishin qenë, le të themi, me të besuarit e Bashës filluan thuajse menjëherë të ndërmarrin në mënyrë të njëanshme nismën e një subjekti të ri politike, por pa atë!
Një lider është i tillë duke i besuar në qëndrimet politike që ai ka, në strategjitë që ai zgjedhë për ardhjen në pushtet dhe për të qenë garant forc politike!
Basha bashkë me ndjekësit e tij kanë vendosur të kenë një rekurs në lidhje me vendimin e legjitimitet të PD dhe po ashtu kanë pohuar marrjen pjesë në zgjedhjet e 2025, pavarësisht rrethanave! Tani, këta që deri dje kishin vendosur të qëndronin në anën e tij e menjëherë ndonjëri prej tyre falë edhe një analizë të publikuar nuk nguron e nuk pret, por reagon menjëherë edhe publikisht duke aluduar se Basha ka qenë gjithmonë me Doktorin! Pyetja është: a kanë besuar realisht ndonjëherë tek Basha ose tek lidershipi i tij?
Këta që kanë qenë në cilësinë e besnikëve të Bashës që kanë vrullin edhe për të themeluar një subjekt të ri politik pa këtë të fundit a kanë pasur kontakte e konsulta të rregullta dhe të vazhdueshme me të? A besonin në qëndrimet e tyre të përbashkëta? A kishin një vizion të qartë se çfarë i priste dhe si do të sillen në çdo rrethanë?
Këta që menjëherë janë të gatshëm t'i kthejnë shpinën me ngjarje apo pa ngjarje a kanë një lidhje lidershipi me Bashën apo kishin thjeshtë lidhje spontane nevoje? Këta të besuarit e Bashës pse nuk besojnë tek zgjedhjet që ka bërë ky i fundit bashkë me ndjekësit e tij, por e kanë me nxitim të largohen prej tij? A ka nevojë që Basha t'a rishikojë mënyrën e te bërit të liderit? Ky është padyshim një rast për studim ashtu si krejtë kriza e PD!
Lajme të tjera
-
A do votojë diaspora? Krashi në 'Repolitix': Patjetër që do bëhet! Pano Soko: PD-PS nuk kanë vullnetin ta zbatojnë! Daci: Përfiton vetëm mazhoranca
18 Dhjetor, 22:18 -
Mitsotakis flet për 'Vetëvendosje' të minoritetit grek, Alban Daci: Nuk është shaka! Kanë doktrinë Vorio-Epirin! Gazetarja Esiona Konomi: Provokim politik për konsum në Athinë
18 Dhjetor, 21:32 -
Alban Daci: Vota e shqiptarëve që jetojnë jashtë dhe politika si fenomen mosbesimi ndaj proceseve zgjedhore
18 Dhjetor, 14:11
-
Alban Daci: Është 'radha jonë'!
8 Dhjetor, 17:26
-
Alban Daci: A mund të ndodhë edhe në Shqipëri si në Rumani?
6 Dhjetor, 20:04
-
Alban Daci: Unë dhe Gjergji ju përshëndesim ‘shqip’ nga Chisinau i Moldavisë!
1 Dhjetor, 09:38
-
Linja e mendimit e disa 'intelektualëve' italianë që ndërhyrjen e Nato-s në Kosovë vazhdojnë ta trajtojnë si agresion ndaj Serbisë!
28 Nëntor, 15:15
-
Alban Daci: Kjo klasë politike është e destinuar të rrëzohet!
27 Nëntor, 09:20
-
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Alban Daci: Ku po shkon konflikti në Ukrainë?
21 Nëntor, 15:34
-
Alban Daci: Me indiferentizmin tonë po “vrasim” politikën!
15 Nëntor, 18:01
-
Alban Daci: Pse nuk kemi pasur lider të mëdhenj deri tani?
14 Nëntor, 17:37
