Si është e mundur që një parti në Maqedoni që e mban emrin Aleanca për Shqiptaret të lidhë koalicion me antishqiptarët?
Vetëm naivët dhe dashakeqësit e shqiptarëve tani mund të bëjnë koalicion me VMRO-në, e cila që nga ikja e Nikolla Gruevskit në Hungari dhe rënia nga pushteti e partisë së tij, nuk është reformuar fare, por vazhdon të “kultivojë” retorikë antishqiptare, të jetë filial i politikave pro-ruse dhe anti-perëndimore.
Është legjitime të luftohet BDI si gjoja parti e establishmentit dhe me siguri edhe kjo parti në mesin e saj ka zyrtarë të dyshuar për korrupsion.
Por legjitimiteti i betejës politike e humb kuptimin kur pa asnjë kusht i hidhesh në përqafim VMRO-së.
Si shkojnë bashke këto dy skena: Zijadin Sela me Albin Kurtin në Lezhë duke marshuar me poza skënderbegiane në kujtim të Lidhjes së Lezhës dhe Zijadin Sela partner i VMRO-se dhe i një partie kinse ultramajtiste maqedonase, e cila model biznesi ka urrejtjen raciste ndaj shqiptarëve.
Në politikë jo çdo qëllim i arsyeton mjetet. Sidomos jo sot, në një situatë tepër delikate gjeopolitike dhe me rreziqe të shtuara ndaj shqiptarëve.
Ndokush mund të thotë: Po mirë, edhe BDI ka bashkëqeverisur me VMRO-në. E vërtete dhe sidomos në fazën e fundit ky ka qenë koalicion joparimor.
Por a duhet tash që partitë “opozitare” shqiptare të përsërisin gabimin e BDI-së dhe të përqafojnë VMRO-në?
Pastaj shtrohet pyetja: Sa janë të përfaqësuara në mënyre legjitime interesat e shqiptarëve në Maqedoni nëse nga pushteti përjashtohet partia e pare e shqiptareve me rreth 50 për qind të votave të trupit elektoral shqiptar?
Ali Ahmeti mund të kritikohet për rastet e keqqeverisjes nga partia e tij, por për një gjë nuk mund ta akuzoje askush: Për parulla patriotike të recituara rrugëve të Lezhës dhe për servilosje ndaj atyre fuqive rajonale që synojnë fetarizimin e politikës!
Edhe në Mal të Zi, Dritan Abazoviçi në emër të luftës për heqje nga pushteti të partisë së Millo Gjukanoviçit bëri koalicion me forcat pro-ruse dhe pro-serbe.
Çka u arrit deri me tani? Një qeveri aq jostabile, saqë gati çdo dite flet për zgjedhje të reja.
Lajme të tjera
-
Trump do heqë 'non gratat'? Ambasadorja amerikane paralajmëron zgjerimin e listës së zezë në Maqedoninë e Veriut
21 Nëntor, 16:37 -
Ish-ministrja e Mbrojtjes e Maqedonisë së Veriut emërohet zv.sekretare e NATO-s
19 Nëntor, 13:19 -
Kurti pret vendim të drejtë për gjuhën shqipe në RMV! Mickoski: Tensionet etnike vijnë nga politikanë pa ide, nuk e ndikojmë kushtetuesen
18 Nëntor, 19:47
-
Albin Kurti: Gjuha shqipe s’është zyrtare në RMV! BDI i tregon kushtetutën
18 Nëntor, 16:19 -
Begaj pret kreun e Kuvendit të Maqedonisë së Veriut: Shqiptarët, rol të veçantë për zhvillimin e qëndrueshëm në rajon
13 Nëntor, 17:15 -
Enver Robelli: Në një botë plot me mishngrënës, vegjetarianët e kanë shumë të vështirë
12 Nëntor, 16:37
-
Enver Robelli: Vjena në vend të Vitisë, Gjeneva në vend të Gjakovës
10 Nëntor, 20:15
-
Maqedoni e Veriut, 100 artefakte të fisit ilir të Enkeledëve gjenden në Strugë! Ministri i Kulturës: Zbulimi më i madh arkeologjik për 100 vitet e fundit (FOTO)
9 Nëntor, 16:55 -
Mickoski shprehet optimist për integrimin evropian pas takimit me Macronin
8 Nëntor, 22:33 -
EKSKLUZIVE/ Zbulohet në Gostivar, statuja e lashtë që ndryshon historinë, e njëjtë me ato të gjetura në Apolloni e Butrint! Profesor Përzhita: Ndodh njëherë në 100 vjet (VIDEO)
7 Nëntor, 19:31
-
Kryeministri i Maqedonisë së Veriut kërcënon me burg lidershipin e BDI-së
2 Nëntor, 22:01 -
Ahmeti: Heqja e gjuhës shqipe nga përdorimi zyrtar, fuçi baruti
2 Nëntor, 14:18
