Aleksia Peleshi, e dashura Romeo Veshajt së fundmi me një rubrikë pyetje&përgjigje me ndjekësit e saj, iu përgjigj pyetjeve dominuese që kishin të bënin me BBV.

E pyetur nëse ishte “teamDonaldbBora” apo “teamDonaldTrixa” ajo refuzoi të përgjigjej duke iu shmangur pyetjes, ndërkohë, lidhur me situatën e partneres së Donaldit, ajo u shpreh se Beatrix Ramosaj po vuan nga paragjykimet e njerëzve të cilët nuk e njohin personalisht.

‘Mendoj që ajo nuk i ka borxh askujt, sidomos publikut. Sepse të ndjekësh zemrën në vendin tonë është krim dhe ajo vajzë po paguan mllefet e njerëzve që kanë një jetë aq boshe dhe as nuk e njohin ose e njohin në mënyrë sipërfaqësore.’- tha Aleksia.

Nga ana tjetër, vajza e Ministrit të Mbrojtjes ka sqaruar edhe një herë arsyen se pse ka refuzuar ftesën për të qenë konkurrente e “Big Brother VIP”, duke u shprehur se për këtë vendim nuk kanë qenë dakord persona të rëndësishëm për të.

‘Të gjithë njerëzit e rëndësishëm për mua ishin kundër dhe sado unë do e shijoja si eksperiencë, nuk do ta kisha shijuar kurrë plotësisht duke e ditur që po le jashtë ndoshta të lënduar nga këto zgjedhje, një nga këto është babi, pa të cilin askush nuk do më njihte njeri sot.’, është shprehur ajo.