Zëdhënësi i Berishës, Alfred Lela: Dur Bami, Mil Shullazi dhe Ervis Martinaj, më duken personazhe simpatikë

Zëdhënësi i Berishës, Alfred Lela: Dur Bami, Mil Shullazi dhe Ervis Martinaj, më duken personazhe simpatikë

Alfred Lela

Alfred Lela ka bërë një shkrim për aksionin e fundit të SPAK ndaj grupeve kriminale, duke sulmuar këtë të fundit.

Në shkrimin e tij, Lela iu flet me përkëdheli kriminelëve, ndoshta ngaqë i ka dhe nga zona, madje thotë se ata i duken dhe si personazhë pozitivë.

“Ajo që duhet thënë që në fillim për bujën e madhe të 50 fletë-arresteve dhe duartrokitjeve flakëruese për SPAK, është se dosja kriminale mbi të cilën mbështeten këto mandate është më e madhe dhe më e bujshme se aksioni i Prokurorisë Speciale, por edhe se tronditja vetë.

Dosja nuk duhet lexuar si një roman kriminal-kjo është prirja që vihet re në debatin politik dhe mediatik-por si një autopsi e plotë e trupit social dhe politik të Shqipërisë. E di që është shumë ta thuash dhe të kërkosh këtë nga prokurorët, gazetarët apo politikanët shqiptarë, por nuk do të thotë se nevoja alarmante nuk thërret.

Dosja prej 240 faqesh, që qarkullon ndër gazetarë dhe duar të tjera të fijeve dhe dijeve, shpalos pamjen, jo të Shqipërisë kriminale, por të Shqipërisë politike. SPAK nuk e qëmton fare këtë përmasë. Nuk e di nëse e ka nga padijenia, pazotësia apo anësia, por në asnjë dekik të kohës dhe mendimit nuk pulson vetëdija se, mes përplasjes gjakatare të bandave dhe shtetit, të futur si aktor në këtë përplasje, ka një dallim të thellë.

Te ky dallim është zgjidhja për sot dhe nesër, jo te telenovela me Dur Bamin, Marklen Hakën, Ervis Martinajn, Mil Shullazin e shumë të tjerëve. Prania e shtetit në labirintin kriminal është aq e fortë sa i bën kriminelët të duken personazhe thuajse simpatikë. Mua, apo çdo qytetari nuk i duhet fare se ç’bën Markleni dhe Duri, por ama na intereson shumë, për jetë a vdekje, çfarë bën polici, prokurori, gjykatësi, deputeti, që janë ngarkuar për të kufizuar, ndëshkuar dhe kontrastuar Ervisët dhe të ngjashmit e tyre. Kur sheh se të parët dhe të dytët bëhen bashkë kundër disa të tretëve, ne nuk mund dhe nuk duhet të kuptojmë se kjo është një luftë mes bandash, apo siç thotë KM ‘hëngshin kokat e tyre’, por se një ditë, herët a vonë, palë a viktimë në këtë përplasje të përgjakshme mund të jetë secili nesh”, shkruan zëdhënësi i Sali Berishës.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Autokton: 10/06/2024 22:02

    Ksaj i thon tu tvra rehatlliku, rri me naj hije tzez aty se na bone vapë me budallikun që posto, si thuhet teveqel me edukatë?!????????

    Përgjigju
  • Qytetari: 23/05/2024 17:03

    Eshte thjesht nje nga te shumtit persona me crregullime qe i shkojne nga pas doktorit. Per te cilet duhet thene se jane shtuar kohet e fundit. Mungesa e nje spitali te mirefillet psikiatrik eshte e papranueshme. Ndertimi i tij duhet te jete nje nga premtimet e fushates se ardhshme.

    Përgjigju
  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

'Pak orë na ndajnë nga puçi kushtetues', Basha reagon për Zgjedhoren: Shqiptarët duan ndryshim, Rama dhe Berisha jo

'Pak orë na ndajnë nga puçi kushtetues', Basha reagon për Zgjedhoren: Shqiptarët duan ndryshim, Rama dhe Berisha jo