Ambasadorët e karrierës së bashku për integrimin, Besnik Mustafaj zgjidhet kryesues

Ambasadorët e karrierës në vendin tonë që kanë kontribuar gjatë viteve të demokracisë në seli të ndryshme diplomatike nëpër botë, janë bërë së bashku në një forum për rrahje mendimesh e dhënie ekspertizash në raste specifike të nevojshme, dhe për të ndihmuar procesin lobues për integrimin.

Forumi quhet Këshilli i Ambasadorëve Shqiptarë, dhe në mbledhjen e tij të parë ka zgjedhur si kryesues të sajin Besnik Mustafajn.

Në Këshill janë të ftuar të anëtarësohen të gjithë ish-ministrat e jashtëm, si dhe çdo diplomat që ka mbajtur një mandat ambasadori në përfaqësimin e Shqipërisë. “Pavarësisht alternancave politike të pushtetit, ky objektiv ka qenë gjithë kohën pika e bashkimit të shumicës qeverisëse me opozitën.

Në qëndrimet e tij publike apo konfidenciale, ky Këshill do të qëndrojë me vendosmëri jashtë preferencave politike dhe vetëm në shërbim te interesave kombëtare, specifikisht lidhur me politikën e jashtme dhe marrëdhëniet ndërkombëtare të shtetit shqiptar, por edhe më gjerë lidhur me zhvillimet e rëndësishme në vend.

Në shprehim gatishmërinë tonë për të ndërtuar një bashkëpunim të mirë me të gjitha institucionet e shtetit e posaçërisht me Ministrinë e Punëve të Jashtme”,-thuhet në deklaratë.

Në mbledhjen e tij të parë dhe konstituimit të Asamblesë të Përgjithshme, bordi themelues zgjodhi zotin Besnik Mustafaj si President të Këshillit të Ambasadorëve Shqiptarë.

Lista paraprake e Asamblesë të Përgjithshme të Këshillit të Ambasadorëve.

Admirim Banaj

Agim Fagu

Agim Nesho

Arben Cejku

Arben Cici

Bashkim Rama

Besnik Mustafaj

Fatos Kërçiku

Flamur Gashi

Genci Muçaj

Hajdar Muneka

Jorgji Kote

Leonard Demi

Lisen Bashkurti

Leonidha Mërtiri

Marko Bello

Maxhun Peka

Neritan Ceka

Petraq Pojani

Spiro Koçi

Shpëtim Caushi

Shaqir Vukaj

Valter Ibrahimi

Ylljet Alicka

TAG:
• besnik mustafaj
• Këshilli i Ambasadorëve Shqiptarë
• neritan ceka