POP 5

Lajmet më të lexuara të 5 minutave të fundit

Politikë

Ambasadori gjerman përfundon mandatin dhe largohet nga Shqipëria: Jam ndjerë si në shtëpi! Mbështesni institucionet e reja të drejtësisë

Ambasadori i Gjermanisë në Tiranë, Peter Zingraf ka përfunduar mandatin e tij 4-vjeçar në Shqipëri.

Ambasadori gjerman përfundon mandatin dhe largohet nga Shqipëria: Jam ndjerë si në shtëpi! Mbështesni institucionet e reja të drejtësisë

Peter Zingraf

Ambasadori i Gjermanisë në Tiranë, Peter Zingraf ka përfunduar mandatin e tij 4-vjeçar në Shqipëri.

Ai ka mbajtur sot dhe fjalimine lamtumirës, ku të pranishëm kanë qen disa ministra dhe deputetë. Gjatë fjalës së tij, Zingraf është shprehur se në Shqipëri është ndjerë “si në shtëpinë e tij”.

Ambasadori gjerman tha se Gjermania do ta mbështesë më tej politikisht rrugën e Shqipërisë drejt BE-së dhe se  do të vazhdojë të punojë në mënyrë aktive për përmirësimin e kushteve të jetesës për të gjithë shqiptarët e në mënyrë të veçantë në përmirësimin e mundësive të të rinjve dhe atyre në zonat rurale.

Pjesë nga fjalimi

Për 4 vite rresht bashkëshortja ime dhe unë jemi ndier në Shqipëri njësoj si në shtëpinë tonë.

Këtu në mes të qytetit, rrethuar drejtpërsëdrejti prej zhurmave të jetës së përditshme të këtij qyteti miqësor dhe shumëngjyrësh

Larmia e kulturës, historisë, peisazheve dhe besimeve fetare të Shqipërisë na kanë pasuruar shumë. Bashkëjetesa paqësore dhe toleranca mes besimeve fetare është një arritje e madhe, për të cilën Shqipëria mund të jetë krenare, dhe të cilën shqiptarët me siguri do ta mbështesin dhe mbrojnë në mënyrë aktive.

Shqipëria dhe rajoni i saj janë pjesë e palëvizshme hartës politike evropiane, bisedimet e anëtarësimit po realizohen, në Tiranë është zhvilluar një samit i BE-së me Ballkanin Perëndimor, pas verës do të kemi kënaqësinë e Ministerialit dhe Samitit të Procesit të Berlinit.

Gjermania dhe Shqipëria janë sot më të lidhura se kurrë, në shumë qytete gjermane ka fluturime direkte, turistë gjermanë janë duke ardhur në shifra të mëdha si vizitorë kureshtarë dhe të hapur.

Gjermania do të vazhdojë të punojë në mënyrë aktive këtu në vend për përmirësimin e kushteve të jetesës për të gjithë shqiptarët e në mënyrë të veçantë në përmirësimin e mundësive të të rinjve dhe atyre në zonat rurale.

Pikat kryesore [për procesin e anëtarësimit në BE] janë mes të tjerash reforma në administratë, reforma në drejtësi, lufta kundër korrupsionit dhe krimit të organizuar.

Në veçanti, institucionet e reja të reformës në drejtësi kanë nevojë për mbështetje të mëtejshme masive në mënyrë që ato të mund të zhvillojnë efektet e tyre në një afat të gjatë. Unë dëshiroj shumë që Shqipëria të ecë e vendosur në këtë rrugë.

Gjermania do ta mbështesë më tej politikisht rrugën e Shqipërisë drejt BE-së. Faleminderit Shqipëri për mikpritjen tënde!“

 

 

S.G/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu