POP 5

Lajmet më të lexuara të 5 minutave të fundit

Sport

Amerika pret biletën me humbje, 29 kombëtare kualifikohen në Botëror! Të premten shorti emocionues për grupet

Meksika dhe Shtetet e Bashkuara të Amerikës janë dy kombëtaret e fundit që kanë prerë biletën për në Botëror. Ndërkohë në lojë kanë mbetur edhe 3 vende, ndërsa të premten me 1 prill do të hidhet shorti për fazën e grupeve.

 

Ka shkuara në 29 nga 32 numri i kombëtareve të kualifikuara për në Botërorin e Katarit që nis me 21 nëntor të këtij viti. Dy skuadrat e fundit që prenë biletën janë Meksika dhe Shtetet e Bashkuara të Amerikës. Meksika ia doli pasi mundi El Salvadorin me rezultatin e pastër 2-0, ndërsa me po të njëjtat shifra Kosta Rika fitoi kundër Shteteve të Bashkuara. Këta të fundit kaluan më tej falë golavarazhit në vendin e tretë, ndërsa Kosta Rika me pikë të barabarta në vendin e katërt duhet të bëjë ‘play-off’.

Për rrjedhojë kanë mbetur ende edhe 3 bileta në lojë. Një në Europë ku pritet të luhet “playoff”-i midis Skocisë dhe Ukrainës, me fituesin e këtij çifti që do të përballet me Uellsin. Dy vendet e tjera do të përzgjidhen nga “playoff”-i ndërkontinental. Vendi i pestë i Amerikës Latine, që e arriti Peruja do të përballet me fituesin e sfidës Emiratet e Bashkuara Arabe - Australi.

Sfida tjetër do të jetë ajo midis vendit të katërt të Amerikës Veriore dhe Qendrore, që është Kosta Rika, me fituesen e kualifikueseve të Oqeanisë, Zelandën e Re. “Playoff”-i ndërkontinental do të luhet me dy takime vajtje-ardhje dhe goli në fushën kundërshtare do të jetë i pranishëm si rregull.

Ndërkohë të premten në orën 18:00 me atë shqiptare do të hidhet në Doha të Katarit shorti për fazën e grupeve, që do të mbajë të mbërthyer me emocione pothuajse të gjithë botën.

Ne.k./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça