POP 5

Lajmet më të lexuara të 5 minutave të fundit

Kronikë

Politikë

Amnistia shtyhet për vitin tjetër, duhen edhe votat e opozitës

Të gjithë ata të dënuar apo të proceduar që kanë shpresuar të përfitonin nga amnistia e fundvitit përgatitur nga qeveria, do të duhet të presin edhe disa muaj. Qeveria nuk i kapi dot procedurat parlamentare për ta miratuar brenda dhjetorit, ndërsa miratimi i saj kërkon edhe vota nga opozita, pasi kalon me 84 kartonë jeshilë. Rrezikun e mosmiratimit e ka edhe reforma zgjedhore. 

Ministria e Drejtësisë nisi punën për një amnisti për të burgosurit dhe të proceduarit, por ai nuk do të kalojë brenda dhjetorit siç ka ndodhur herët e tjera që ka pasur amnisti. 

Qeveria nuk i kapi dot procedurat parlamentare për ta depozituar në Kuvend këtë javë që u mbyll, dhe rregullorja e Kuvendit nuk lejon as kalimin me procedurë të përshpejtuar, pasi me procedurë të tillë këtë javë, që është edhe e fundit e këtij sesioni, do të shqyrtohet ligji për krijimin e xhandarmërisë. 

Por, edhe sikur qeveria ta kishte depozituar në kohë nismën, amnistia kërkon shumicë të cilësuar me 84 vota, pra edhe konsensusin e opozitës. 

Klima politike në të cilën janë vendosur palët është e tensionuar, ndaj konsensusi duket i pamundur. 

Kjo bëhet edhe më e largët, kur në të njëjtën seancë mazhoranca do të rrëzojë edhe propozimit kushtetues të demokratëve për vettingun e politikanëve, në kushtet kur as Komisioni i Venecias nuk e mbështeti atë. 

Pavarësisht se do të dështojë në votim, opozita do të shënojë një fitore: ajo do të shpëtojë mandatet të cilat ishte gati duke i djegur pas gati 6 muajsh bojkot.

Ndërkohë një tjetër reformë madhore po shkon drejt dështimit. Ndërkombëtarët dhe rekomandimet e institucioneve të huaja kanë qenë që reforma zgjedhore të miratohej 6 muaj përpara zgjedhjeve, pra brenda dhjetorit, më qëllim që të arrihej në kohë zbatimi i saj në zgjedhjet lokale të qershorit të ardhshëm. Edhe pse dy bashkëkryetarët punuan mirë dhe me mirëkuptimin, shenjat që konflikti të kthehet në konsensus brenda javës, janë të dobëta.

//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça