POP 5

Lajmet më të lexuara të 5 minutave të fundit

Arkiva

Analizë/ Më shumë biznese femërore në shërbim dhe prodhim, dominojnë bizneset e vogla

TIRANE, 22 Maj/ATSH, Nini Mano/- Ndërsa në vitin 2014 përqindja e pronareve dhe administratoreve gra arriti në 28,5%, ku dominojnë në ndërmarrjet e vogla (1-4 të punësuar) dhe ku në periudhën 2005-2014 përqindja e pronareve/administratoreve gra është rritur në të gjitha kategoritë.  Vihet re se rritja deri 6% është më e dukshme dhe u takon […]
/ATSH, Nini Mano/- Ndërsa në vitin 2014 përqindja e pronareve dhe administratoreve gra arriti në 28,5%, ku dominojnë në ndërmarrjet e vogla (1-4 të punësuar) dhe ku në periudhën 2005-2014 përqindja e pronareve/administratoreve gra është rritur në të gjitha kategoritë.  Vihet re se rritja deri 6% është më e dukshme dhe u takon bizneseve të vogla me deri 4 persona të punësuar.
Sipas INSTAT, gjatë kësaj periudhe, për ndërmarrjet me më shumë se 50 të punësuar, rritja llogaritet me 3,7%.
Në periudhën 10-vjeçare 2005-2014, përqindja e grave pronare dhe administratore është rritur në të gjitha aktivitetet ekonomike, por viti 2014 shënon diferencë të qartë në aktivitetet e prodhimit të shërbimeve me 30,6%, krahasuar me aktivitetet e prodhimit të të mirave, që zënë 16,2% ndaj totalit të biznesit femëror.
Aktivitetet ekonomike si tregtia dhe shërbime të tjera kanë pjesëmarrjen më të lartë të grave pronare dhe administrator për periudhën 2005- 2014. Ndryshe nga këto grup biznesesh, vërehet se aktivitetet me pjesëmarrjen më të ulët të grave janë transporti dhe magazinimi, bujqësia, pyjet, peshkimi dhe ndërtimi. Në këto ndërmarrje më shumë se 90 përqind janë pronarë burrat.
Vjet, nga 17.377 ndërmarrje të reja të krijuara, 31 përqind u takonin grave dhe 69% burrave. Vërehet se në periudhën 2005-2014, përqindja e ndërmarrjeve aktive gjithsej të zotëruara apo drejtuara nga gratë është rritur nga 22,9%, në 28,5%, me rritjen 6% në total.
Gjatë së njëjtës periudhë, përqindja e ndërmarrjeve të reja të zotëruara apo të drejtuara nga gratë ka qenë relativisht e qëndrueshme, në nivele rreth 30%. Studimi i kryer nga INSTAT thekson se nëse përqindja e ndërmarrjeve të reja të zotëruara apo të drejtuara nga gratë nuk rritet mbi këtë nivel, në të ardhmen e afërt pritet që përqindja e ndërmarrjeve aktive gjithsej të biznesit femëror të rritet ngadalë deri në 30-31% ndaj totalit të ndërmarrjeve gjithsej.
Në mënyrë që ky nivel të arrijë mbi 31% në periudhat afatgjata, duhet që të jenë gratë ato që duhet të marrin nisma të reja për të krijuar më shumë ndërmarrje.
Më së shumti, në tërësi vërehet se pronarët apo administratorët e ndërmarrjeve të reja në gjithë qarqet dhe aktivitetet ekonomike janë meshkuj, por bizneset femërore përfaqësohen në masë të gjerë në sektorin e shërbimeve.
Sipas shpërndarjes, ndërmarrjet e bizneseve femërore ndër qarqet, në 47,5% janë të hapura në qarkun e Tiranës, fenomen që regjistrohet gjithsesi edhe për meshkujt, ndonëse në përqindje më të ulët, me 42,6%.
Në krahasim me meshkujt, qarqet me përqindje më të lartë me pronare dhe administratore gra janë Tirana me 30,7%, ndërsa qarku i Kukësirt regjistron përqindjen më të ulët, me vetëm 15,6% biznese femërore.
Ndërmarrjet e reja në vitin 2014 janë të përqendruara kryesisht në Tiranë si për ndërmarrjet që zotërojnë apo drejtuara nga gratë, ashtu edhe nga burrat.

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëveshja Hamas-Izrael, meritë e Trump? Biden: Po bëjmë shaka? Ishte punë në ekip

15 Janar, 20:32