Ankimoi zgjatjen e afateve për 'Habilajt', Gjykata rrëzon kërkesën e drejtuesit të policisë së Vlorës 

Jaeld Çela, ish-drejtori i policisë së Vlorës

Gjykata e Krimeve të Rënda ka rrëzuar këtë të enjte, kërkesën e ish-drejtuesit të polisisë së Vlorës, Jaeld Çelës, i cili kundërshtoi zgjatjen e afateve hetimore në lidhje me çështjen "Tahiri".

Ish-drejtori i policisë së Vlorës, Jael Çela ankimoi zgjatjen e fundit të afateve të vendosura të Prokurorisë, afat i cili pritet të përfundojë në 18 shkurt.Ndërkohë institucioni i Prokurororisë së Krimeve të Rënda  pritet që në ditët në vazhdim të kërkojë zgjatje tjetër të hetimeve.

Gjykata vendosi disa ditë më parë të pranojë ankimimin e ish-ministrit të Brendshëm Samir Tahiri për zgjatje te afateve të hetimeve për çështjen "Habilaj"  duke caktuar 10 marsin si afatin e fundit për të çuar dosjen në gjykatë apo për pushimin e hetimeve.

Në nëntor të vitit të kaluar ish-Ministri i Brendshëm Saimir Tahiri depozitoi në prokurorinë e Krimeve të Rënda edhe vendimin e prokurorisë së Catanias e cila pushoi hetimet ndaj tij pasi nuk gjeti asnjë element të veprës penale (Lexo këtu). Këtë vendim Tahiri e bëri edhe publik duke thënë se ai ka heshtur edhe kur akuzohej padrejtësisht.

Jael Çela, ish-drejtues i policisë së Vlorës është akuzuar si  bashkëpunëtor në dosjen  e "Habilajve", e cila është nën hetim prej më shumë se dy vitesh nga Prokuroria e Krimeve të Rënda.  Ai  është shpallur në kërkim për trafikim të lëndëve narkotike së bashku me Gjergj Kohila, shefi i sektorit të luftës kundër krimit të organizuar, në drejtorinë e Qarkut Vlorë si dhe ish-drejtori i Postës së Dhërmiut, Sokol Bode, të cilët u arratisën jashtë vendit.

  • Sondazhi i ditës:

    Konfirmohet rasti i parë Delta në Shqipëri, a duhet të ketë masa të shtuara?

Komento


×

Lajmi i fundit

John

Identifikohen 7 nga 10 viktimat e aksidentit tragjik në Kroaci, mes tyre humbën jetën nënë e bijë