Tiranë- Gjykata e Posaçme e Apelit uli dënimin për ish-anëtarin e pezulluar të Kolegjit të Posaçëm të Apelimit, Ardian Hajdari, i shpallur fajtor për fshehje të pasurisë dhe mosdeklarim.
Apeli i GJKKO-së ndryshoi pjesërisht vendimin e Gjykatës së Posaçme të shkallës së parë ndaj të pandehurit Ardian Hajdari, për fshehje të ardhurash dhe refuzim i deklarimit, duke ia përgjysmuar verdiktin e dhënë në muajin janar të këtij viti dhe i ankimuar prej tij.
Ardian Hajdari ishte dënuar me 1 vit burg nga shkalla e parë për 5 raste fshehjesh të ardhurash dhe mosdeklarimi, që janë konvertuar në 2 vite shërbim prove.
Kurse sot, Apeli e ndryshoi duke e bërë 6 muaj burgim në bashkim dënimesh, të konvertuar në 1 vit shërbim prove.
Apeli ka pushuar akuzën për dy epidode të fshehjes së të ardhurave në vitin 2012 dhe periudhën tatimore 2013-2016.
Teksa la në fuqi fajësinë për mosdeklarim e fshehje pasurie dhe fshehje të të ardhurave për vitin 2017 dhe dha përfundimisht dënimin me 6 muaj burg, që konvertohet në 1 vit shërbim prove.
"Gjykata e Posaçme e Apelit për Korrupsionin dhe Krimin e Organizuar, me trup gjykues të përbërë nga gjyqtarët Engert Pëllumbi si kryesues, Daniela Shirka dhe Florjan Kalaja si anëtarë, shpalli sot vendimin në lidhje me çështjen nr. 44 akti, të 23 korrikut 2024, mbi ankimin e Ardian Hajdarit, kundër vendimit që ishte marrë më herët, më 24 janar të këtij viti, nga Gjykata e Posaçme e Shkallës së Parë", thuhet ndër të tjera në vendim..
Ankimimi i ish-anëtarit të KPA u mor pjesërisht në konsideratë nga trupa gjykuese, pa ia ndryshuar fajësinë. Hajdari u denoncua nga ish-magjistratët e shkarkuar me formë të prerë në Vetting nga KPA. Para tij ishte dënuar edhe ish-anëtari Luan Daci, që humbi detyrën.
Lajme të tjera
-
Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë
22 Nëntor, 21:22 -
Vettingu/ Mbyllet rivlerësimi në KPK, në ‘filtër’ 805 magjistratët! Vetëm 373 u konfirmuan të ndershëm, qytetarët ndihmuan drejtësinë me rreth 6700 denoncime (SHIFRAT)
22 Nëntor, 12:05
-
Apeli i Posaçëm shpall vendimin për Bandën e Cërrikut! Tre anëtarë dënohen me burgim të përjetshëm
21 Nëntor, 19:42 -
Dosja 'Partizani'/ Gjykata Kushtetuese rrëzon Berishën dhe legjitimon SPAK: 'Për detyrimin me paraqitje' nuk nevojitej autorizimi i Kuvendit! 'Ndalimi jashtë shtetit' i panevojshëm! Masa 'arrest shtëpiak' shqyrtohet në seancë tjetër (VENDIMI)
21 Nëntor, 19:10 -
Gjykata e Lartë rrëzon rekursin e ish-kryebashkiakut të Himarës, mbetet në fuqi vendimi i Apelit për sekuestron e apartamentit të Jorgo Goros
21 Nëntor, 16:22 -
Tiranë/ Shtyhet seanca në GJKKO për Vangjush Dakon, shkak mungesa e avokatëve! Pritej që mbrojtja të jepte konkluzionet
21 Nëntor, 15:06 -
Grabitja e 4.6 mln eurove në Rinas, GJKKO dënon me 18 vite burg Talo Çelën
21 Nëntor, 12:42
-
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32 -
Sot mblidhet dhe kryesia e PL/ Blushi sulmon drejtësinë: Arrestimi dhe burgosja e Ilir Metës pa prova, nga drejtësia e sorosifikuar e Ramës, mafias ndërkombëtare dhe McGonigalit!
20 Nëntor, 16:15 -
KPA lë në fuqi shkarkimin e prokurorit të Lushnjës Artan Hazbi
20 Nëntor, 10:51 -
Rrëmbimi dhe zhdukja e Jan Prengës! Në GJKKO dëshmojnë 2 vëllezërit: Astriti më tha morëm 60 kg drogë në portin e Londrës! Zbardhin sms-në: Jam Gramozi, gjërat janë të miat, mos të preken
20 Nëntor, 10:49
-
Dosja 'Metamorfoza', caktohet gjyqtarja Etleva Deda që do të shqyrtojë dosjen
19 Nëntor, 10:04
