POP 5

Lajmet më të lexuara të 5 minutave të fundit

Sociale

Aplikimet për kredi studentore zgjasin deri më 15 mars! Përllogariten kostot e jetesës dhe studimeve! Mançka: Studenti paguan vetëm 1% interes

Për herë të parë në Shqipëri, studentët mund të marrin kredi për të përballuar jetesën dhe kostot e studimeve, me mundësi shlyerjeje pasi të jenë diplomuar. Aplikimet e studentëve për kredi kanë nisur në shkurt dhe do të zgjasin deri më 15 mars.

Deri më 15 mars, studentët që duan të përfitojnë kredi studentore kanë të drejtën e aplikimit pranë Agjencinë Kombëtare të Financimit të Arsimit të Lartë. Ata e vendosin vetë vlerën e kredisë që duan të marrin, megjithatë maksimalja e përfitimit vlerësohet me anë të përllogaritjes së kostos së jetesës që është minimumi 40 mijë lekë në muaj, si dhe tarifës së studimeve.

“Studenti që ka dërguar vlerën më të ulët është më i avantazhuar. Nëse është në program prioritar është më iavantazhuar. Dhe rezultatet e studentit. Studenti aplikon nëpërmjet formularit të aplikimit. Do të dërgoje në AKFAL dokumentacionin përkatës dhe do të kaloje në procedura të tjera”, tha drejtoresha e AKFAL, Ledina Mançka.

Drejtoresha e AKFAL, Ledina Mançka, tha se pas miratimit kredia do ju arkëtohet studentëve në llogari çdo 6 muaj, ndërsa shlyerjen e saj do ta bëjnë pas përfundimit të studimeve.

“Në varësi të programit që studon do vijoje të shlyje principalin dhe interesin”, tha ajo.

Ndryshe nga qytetarët e tjerë që marrin një kredi, studentët do të paguajnë vetëm 1% të normës së interesit.

“Buxheti i shtetit mbulon 5% të interesit dhe studenti 1% të interesit”, tha drejtoresha.

Megjithatë për të përfituar kredinë studentore duhet të përmbushen disa kritere, të cilat janë, kombësia shqiptare e studentit, të mos përfitohet bursë dhe të ndjekë studimet në një prej universiteteve publike.

“Subjekti përfitues është studenti që ka nënshtetësi dhe vendbanim në Shqipëri. nuk është subjekt përfitimi i bursave, përjashtimi nga tarifa dhe ndjek një nga programet publike në institucionet e arsimit të lartë”, përfundoi ajo.

B.V//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Kur kthimi në Shqipëri për të investuar, përfundon në zhgënjim

Kur kthimi në Shqipëri për të investuar, përfundon në zhgënjim

22 Dhjetor, 22:51