POP 5

Lajmet më të lexuara të 5 minutave të fundit

Politikë

Ardi Veliu dha dorëheqjen, ja detyra e re dhe kush e zëvendëson në drejtimin e Agjencisë së Mbikëqyrjes Policore

Ardi Veliu dha dorëheqjen, ja detyra e re dhe kush e zëvendëson në drejtimin e Agjencisë së Mbikëqyrjes Policore

1698063426_ardveliuballa.jpg

Drejtori i Agjencisë së Mbikëqyrjes Policore, Ardi Veliu është larguar nga detyra ditën e sotme. Ministri i Brendshëm Taulant Balla e konfirmoi se Veliu ka dhënë dorëheqjen sot (23 tetor) dhe zbulon se kush do të ta zëvendësojë.

“Drejtimin e AMP deri në zgjedhjen e drejtuesit të ri, do ta mbajë zv.drejtori Dritan Dorda. Ardi Veliu do të vijojë të japë kontributin e tij, në një tjetër detyrë shtetërore” deklaroi Balla.

Njoftim për Mediat

Drejtori i Përgjithshëm i Agjencisë së Mbikëqyrjes Policore Ardi Veliu ka paraqitur sot dorëheqjen nga detyra, tek Ministri i Brendshëm.

Ministri i Brendshëm Taulant Balla e falënderoi z. Veliu për punën e bërë deri tani në krye të AMP-së, rezultatet e arritura në kuadër të procesit të vetë-pastrimit të strukturave të Policisë së Shtetit, Gardës së Republikës e Shërbimit të Mbrojtjes nga Zjarri dhe Shpëtimin.

Agjencia e Mbikëqyrjes Policore, nga 1 janar deri sot, ka referuar pranë SPAK dhe Prokurorive të Juridiksionit të Përgjithshëm 207 raste për 295 subjekte, ndër ta 253 oficerë policie si dhe 42 shtetas.

Në këtë periudhë janë arrestuar 23 oficerë në flagrancë. Me masë sigurie janë 72 raste, ndër ta, 61 oficerë policie dhe 11 shtetas. Në masën “Arrest në burg” janë 24 raste, ndër ta, 18 oficerë policie dhe 6 qytetarë. Me masën “Arrest në shtëpi” janë 6 oficerë policie dhe 1 qytetar, me masën “Pezullim i ushtrimit të detyrës në shërbim publik” janë 34 oficerë policie.

Gjithashtu janë dhënë 24 masa disiplinore administrative, pas hetimeve disiplinore të AMP-së, ndër ta, 4 oficerë me masë disiplinore “Përjashtim nga policia”; 3 oficerë “Shtyrje e afatit të gradimit” për dy vjet; për 5 oficerë policie “Shtyrje e afatit të gradimit” për një vit, si dhe për 9 oficerë “Shtyrje e afatit të gradimit” për nëntë muaj.

AMP i ka dhënë rekomandim Agjencisë Kombëtare të Informacionit të Klasifikuar për heqjen e Certifikatës së Sigurisë për 19 subjekte.   

Zoti Veliu ishte emëruar në krye të AMP në shtator 2022, detyrë që e mbajti deri ditën e sotme. 

Drejtimin e Agjencisë, deri në fund në zgjedhjen e drejtuesit të ri, do ta mbajë Dritan Dorda, Zv.drejtor i Përgjithshëm i AMP-së.

Ju bëjmë me dije se Ardi Veliu do të vijojë të japë kontributin e tij, në një tjetër detyrë shtetërore.


Lajmi kryesor:

Ardi Veliu jep dorëheqjen nga drejtimi i AMP-së, ua komunikoi vartësve sot në mbledhje! Do mbajë detyrë tjetër shtetërore! Në vend të tij Dritan Dorda
S.G/B.K/Shqiptarja.com
  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Këngëtarja Parashqevi Simaku komunikon me djalin dhe ish-bashkëshortin

Këngëtarja Parashqevi Simaku komunikon me djalin dhe ish-bashkëshortin

18 Dhjetor, 17:58