GJIROKASTER-Një 24-vejçar është arrestuar nga policia e Gjirokastërës, pasi ishte shpallur në kërkim i akuzuzar për vjedhje me dhunë.

Gëzim Vasi ishte i shpallur në kërkim pasi Gjykata e Rrethit Gjyqësor ka caktuar masën e sigurisë “Arrest në burg”, për veprën penale “Vjedhje me dhunë”.

Nga hetimet e policisë në 9 tetor 2014, rreth orës 20.00, ky shtetas në bashkëpunim me tre shtetas të tjerë i kanë vjedhur me dhunë 150.000 lekë dhe 10.000 euro shtetasit A.G, pranë një rruge në Lagjen Kodra e Shtufit të qytetit Gjirokastër.

Tre shtetasit e tjerë janë shpallur në kërkim, ku për arsye hetimi nuk bëjmë me dije gjeneralitetet e tyre dhe vijon puna për kapjen e tyre.