Një 16- vjeçar është arrestuar nga blutë e qytetit bregdetar të Durrësit, pasi është autori i 12 vjedhjeve të bëra në këtë qytet.

Për arrestimin e 16- vjeçarit, J.P, policia ka zhvilluar një operacion të koduar me emrin “Minoreni 2”, gjatëtë cilit ka dokumentuar 12 vjedhjet e realizuara nga i riu.

Materialet për minorenin i kanë kaluar Prokurorisë së Durrësit për veprën penale “Vjedhje”, e kryer më shumë se një herë.

Lista e vjedhjeve të dokumentuara nga policia
1.Më datë 14.05.2017, në Shijak, dyshohet se ka vjedhur me thyerje banesën e shtetases E.B. ku ka marrë sende të ndryshme dhe vlera monetare.

2. Më datë 12.06.2017, në lagjen Nr.13, Plazh dyshohet se ka vjedhur me thyerje banesën e shtetasit M.K. ku ka marrë bizhuteri dhe vlera monetare.

3. Më datë 24.06.2017, në lagjen Nr.4, Durrës dyshohet se ka vjedhur me thyerje kioskën e shtetases D.K. ku ka marrë pije të ndryshme.

4. Më datë 10.07.2017, në lagjen Nr.13, Plazh dyshohet se ka hyrë nga dritarja e lokalit në pronësi të shtetasit B.K. ku ka marrë vlera monetare.

5. Më datë 15.07.2017, në fshatin Sukth I Ri, Durrës dyshohet se ka vjedhur banesën e shtetasit A.S. ku ka marrë një aparat telefoni celular dhe vlera monetare.

6. Më datë 29.07.2017, në lagjen Nr.15, Durrës dyshohet se ka vjedhur me thyerje dyqanin e shtetases Sh.S. ku ka marrë disa paketa cigare.

7. Më datë 31.07.2017, në lagjen Nr.6, Durrës dyshohet se ka vjedhur me thyerje dyqanin e shtetasit I.E. ku ka marrë vlera monetare.

8. Më datë 07.08.2017, në lagjen Nr.14, Durrës dyshohet se ka vjedhur banesën e shtetasit A.K. ku ka marrë dy ora dore dhe vlera monetare.

9. Më datë 10.08.2017, në Arapaj, Durrës dyshohet se ka vjedhur banesën e shtetases V.B. ku ka marrë vlera monetare.

10. Më datë 13.08.2017, në Shijak dyshohet se ka vjedhur me thyerje banesën e shtetasit Sh.K. ku ka marrë bizhuteri dhe vlera monetare.

11. Më datë 16.08.2017, në lagjen Nr.1, Durrës dyshohet se ka vjedhur banesën e shtetasit A.D. ku ka marrë bizhuteri dhe vlera monetare.

12. Më datë 23.08.2017, në Arapaj, Durrës dyshohet se ka vjedhur banesën e shtetasit Xh.M. ku ka marrë një TV.

Redaksia Online
D.T/Shqiptarja.com