POP 5

Lajmet më të lexuara të 5 minutave të fundit

Politikë

Astrit Patozi: Vota në 30 Qershor, mënyra më e mirë për t'u hakmarrë kundër 'Rilindjes'

Kryetari i Bindjes Demokratike, Astrit Patozi shprehet se mënyra më e mirë për t'u hakmarrë kundër korrupsionit, arrogancës dhe karshillëkut të “Rilindjes” është vota.

Astrit Patozi: Vota në 30 Qershor, mënyra më e mirë për t'u hakmarrë kundër 'Rilindjes'

Kryetari i Bindjes Demokratike, Astrit Patozi shprehet se mënyra më e mirë për t'u hakmarrë kundër korrupsionit, arrogancës dhe karshillëkut të “Rilindjes” është vota. "Voto Bindjen tënde më 30 qershor! Ka vetëm një mënyrë për ta shprehur refuzimin tënd për këtë qeveri. Për të marrë hak ndaj korrupsionit, arrogancës dhe karshillëkut të “Rilindjes”. Ka vetëm një mundësi për ta shprehur mospranimin tënd ndaj kësaj politike të shëmtuar sherresh dhe pazaresh të pista, ku të njëjtët personazhe të konsumuar, veçse ndërrojnë rolet prej 30 vjetësh.

Mos e shiko atdheun me syzet e atyre që ta paraqesin si parajsë, vetëm se ata i kanë hipur kalit të pushtetit, por, as atyre të tjerëve, që thonë se jemi në skëterrë, vetëm sepse ata kanë zbritur nga kali. Shqipëria normale nuk ka asnjë lidhje me thirrjet dhe kërcënimet e tyre. Ka vetëm një mundësi që të mos e presësh nga qielli drejtësinë e munguar dhe ndryshimin.

Mos iu bind atyre që të ftojnë për të shkuar në një festë me lugë të zbrazët dhe, as të tjerëve që të ndjellin t'i vesh flakën shtëpisë tënde. Secili e bën për hallin e vet, që nuk ka asnjë lidhje me tëndin. Ka vetëm një mënyrë për t’i ndëshkuar ata që e kanë shkaktuar; në mes të kësaj marrëzie mëkatarësh, ndiq zërin e ftohtë të arsyes. Ne nuk kemi asnjë përgjegjësi për sa po ndodh, por përmes teje duam të marrim të gjitha përgjegjësitë për një të ardhme tjetër për Shqipërinë. Voto BINDJEN tënde më 30 qershor" tha ai. Bindja Demokratike garon në zgjedhjet lokale të 30 Qershorit në disa bashki, jo të gjitha përballë socialistëve.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça