Herë pas herë duhet të kthejmë kokën dhe të rikujtojmë ku ishim dhe si ishim. Jo shumë larg! Të shohësh Shkodrën e Zadrimën me sytë e gazetarëve italianë të Linea Verde Sentrieri të së shtunës që sapo lamë pas, është një moment reflektimi dhe vlerësimi për ata shqiptarë që prej vitesh përmes punës dhe sakrificave kanë marrë në dorë tokën tonë të vrarë, e me kujdes, durim dhe pasion po bëjnë bashkë indet, po i mjekojnë e shërojnë, duke krijuar një realitet magjepës.
Marjana Koçeku në cepin e saj në parajsë në Liqenin e Komanit po shkëlqen si me llampën e Aladinit shtëpinë e gurtë të gjyshit dhe po e ndriçon bashkë me të edhe çdo gjë tjetër rreth e rrotull, Neomalsore, i thonë. Me siguri shumë të tjerë në atë zonë, dashtë Zoti, do ta kopjojnë.
Siç e kanë bërë shumë shqiptarë me shembullin e familjes Prenga me Mrizin e Zanave. Te Altini në Mriz është shëruar një plagë e madhe e të kaluarës sonë: Alergjia dhe neveria nga fshati, turpi që kishte mbërthyer gjithë shqiptarët të tregonin se ishin fshatarë.
Po, se fshatarët e të kaluarës sonë ishin ata të varfërit që zbrisnin “ilegalisht” në qytet duke u lutur pranë furrave të bukës: “O goce a ma blej gjys bukë gruri!”, sepse fshatarët punonin e lodheshin në kooperativa, por për ta jepej vetëm racion bukë misri, sepse shitëset e pamëshirshme të furrave të bukës në qytet dinin t’i dallonin nga veshjet e varfëra, fytyrat e përzhitura e duart e plasura nga puna në kooperativë. E kur për ta erdhi koha e largimit masiv, fshatarët tanë të përvuajtur flakën çdo gjë për t’u larguar nga ajo varfëri, por mbi të gjitha nga ai përçmim i padrejtë: Vetëm fakti i të qenit Fshatar!
Kush sot punon me përulje dhe përkushtim të shërojë këtë plagë, meriton respektin më të thellë, pasi po bën një punë të lodhshme, të vështirë, që në fakt, me t’u shpërndarë anembanë, do t’ja mbajë pafundësisht kokën lart gjithë vendit tonë. Sepse puna mbetet, ndërsa fjalët e të tjerëve që nuk punojnë, ikin pa lënë asnjë gjurmë si shiu i lehtë i verës.
Lajme të tjera
-
Shqiptarët që sot qëndisin pëlhurën e shtrenjtë të Pavarësisë
29 Nëntor 2023, 09:54
-
Emocionuese/ Ermal Meta vjen nga Italia për të surprizuar vajzën në Lezhë! Altin Prenga: Faleminderit që na kujton çfarë është njerzillëku
27 Nëntor 2023, 13:59 -
Frrok Çupi: Tani, kur ka nevojë Altini, ne s’jemi aty
15 Shtator 2023, 22:55
-
Çifti nga Kosova lë biznesin dhe vendosin t’i rikthehen emigrimit, Altin Prenga kërkesë fisnike: Do ishte humbje për vendin të ikin, blijani të gjitha lulet (FOTO)
28 Maj 2023, 10:28 -
‘Drekë 100% Made in Albania’, Presidenti i Austrisë drekon tek mrizi i zanave në Fishtë të Lezhës
26 Mars 2023, 21:33 -
Ambasadorja e BE-së viziton 'Mrizin e Zanave': Takova Altin Prengën, evropian që sjell ndryshim! Me artin e tij, ka bërë Shqipërinë të njohur në botë
20 Gusht 2022, 21:10 -
Ylli i muzikës botërore në Lezhë, Dua Lipa drekon tek Mrizi i Zanave
10 Gusht 2022, 09:01 -
Altin Prenga kërkon "të shkundë" baret dhe restorantet shqiptare: Mjaft më se nuk mban më ujë pilafi!
19 Janar 2022, 15:45 -
Ekselenca europiane/'12 vendet e ëndrrave që duhet patjetër të vizitohen gjatë 2022-shit'! Mrizi i Zanave në Shqipëri në listën prestigjioze të 'Vannity Fair'
3 Janar 2022, 11:13 -
Altin Prenga i ‘Mrizit të Zanave’ shpallet ‘Qytetar Nderi’ nga Këshilli Bashkiak Lezhë
9 Dhjetor 2021, 21:42 -
Jeton në SHBA, historia frymëzuese e mjekut nga Lezha që rikthehet në vendlindje dhe viziton të gjithë bashkëfshatarët e tij! U jep dhe ilaçet falas
27 Gusht 2021, 12:50 -
Mirënjohja dhe ndjesa janë vlera që i shohim rrallë mes nesh, por të domosdoshme për një biznes të sukesshëm si Mrizi i vëllezërve Prenga
22 Gusht 2021, 11:49
